Handbolti

Teitur hafði betur gegn Kristjáni og Ungverjarnir réttu úr kútnum eftir tapið gegn Val

Hjörtur Leó Guðjónsson skrifar
Teitur Örn Einarsson og félagar hans í Flensburg hafa unnið báða leiki sína í upphafi Evrópudeildarinnar.
Teitur Örn Einarsson og félagar hans í Flensburg hafa unnið báða leiki sína í upphafi Evrópudeildarinnar. Axel Heimken/picture alliance via Getty Images

Teitur Örn Einarsson og félagar hans í Flensburg unnu öruggan fimm marka sigur er liðið tók á móti franska liðinu PAUC í B-riðli Evrópudeildinni í handbolta í kvöld, 30-25. Á sama tíma vann Ferencváros góðan þriggja marka sigur gegn sænska liðinu Ystads, 37-34.

Íslendingaliðin Flensburg og PAUC unnu bæði sína leiki í fyrstu umferð riðlakeppninnar og höfðu því bæði tvö stig fyrir leik kvöldsins.

Heimamenn í Flensburg náði ágætis tökum á leiknum um miðjan fyrri hálfleikinn og leiddu með þremur mörkum að honum loknum, 15-12.

Liðið náði svo sjö marka forkskoti í upphafi síðari hálfleiks og leit aldrei um öxl eftir það. Flensburg vann að lokum öruggan fimm marka sigur, 30-25, og er því með fullt hús stiga eftir tvo leiki, en franska liðið hefur tvö.

Kristján Örn Kristjánsson var markahæstur í liði PAUC með sex mörk, en það dugði ekki til. Teitur Örn Einarsson hafði hins vegar hægt um sig í liði Flensburg og komst ekki á blað.

Þá vann Ferencváros góðan þriggja marka sigur gegn sænska liðinu Ystads, 37-34. Eftir fjögurra marka tap gegn Valsmönnum í fyrstu umferð er ungverska liðið nú með tvö stig í riðlinum, en Ystads er enn án stiga.

Handbolti

Mest lesið


Fleiri fréttir

Sjá meira


×

Mest lesið