Stóra kókaínmálið: Liðsstjóri landsliðs og timbursali meðal sakborninga Sunna Sæmundsdóttir skrifar 14. nóvember 2022 12:23 Kókaínið sem fannst. Um er að ræða hundrað kíló af efninu. Lögreglan á höfuðborgarsvæðinu Enginn fjögurra sakborninga í stærsta kókaínmáli Íslandssögunnar á að baki sakaferil að ráði og í hópi þeirra eru timbursali og fyrrverandi liðsstjóri hjá íslensku landsliði í rafíþróttum. Málið verður þingfest á miðvikudag. Málið varðar innflutning á um eitt hundrað kílóum af kókaíni sem voru falin í sjö trjádrumbum í timbursendingu til Íslands. Efnunum var komið fyrir í gámnum í Brasilíu en sendingin fór fyrst til Hollands. Lögreglan á Íslandi hafði komist á snoðir um smyglið vegna rannsóknar á skipulagðri brotastarfsemi og lét tollverði í Rotterdam í Hollandi vita sem skiptu kókaíninu út fyrir gerviefni áður en gámurinn var sendur áfram til Íslands. Fram kom í fréttum í sumar að götuvirði efnanna væri um tveir milljarðar króna. Í ákæru segir að gámurinn hafi verið fluttur í Borgartún frá tollsvæðinu við höfnina hinn 2. ágúst. Þar stóð hann í tvo daga áður en drumbarnir voru teknir og fluttir til Hafnarfjarðar, þar sem fíkniefnin voru fjarlægð. Að því loknu var efnunum pakkað áður en hluti var fluttur til annars aðila til dreifingar og sölu. Lögregla lagði hald á hluta ætlaðra fíkniefna í bifreið við Vefarastræti í Mosfellsbæ. Mennirnir eru ákærðir fyrir skipulagða brotastarfsemi, tilraun til stórfellds fíkniefnalagabrots og peningaþvætti. Rolex-úr gert upptækt Saksóknari krefst þess að ýmislegt verði gert upptækt sem er talið hafa verið keypt fyrir illa fengið fé. Þar á meðal Rolex úr og Lexus bíll sem Jóhannes hafði keypt sér. Einnig á níunda tug timburdrumba og Volkswagen jepplingur sem sagt er að hafi staðið til að nýta til að flytja fíkniefni. Sömuleiðis fjöldi síma og fleira. Við húsleit hjá ákærðu fannst nokkuð af fíkniefnum á borð við MDMA, maríhúana, kannabislauf og kannabisplöntur sem einn ákærðu hafði verið að rækta. Málið verður þingfest í Héraðsdómi Reykjavíkur á miðvikudag og enginn fjórmenninganna á að baki einhvern sakaferil að ráði. Einn ákærðu er Páll Jónsson timburinnflytjandi á sjötugsaldri og í ákæru segir að fyrirtækið hans Hús og Harðviður hafi verið notað til peningaþvættis. Þá er Jóhannes Páll Durr einnig á meðal sakborninga en hann hefur meðal annars verið liðsstjóri íslenska landsliðsins í efótbolta. Auk þeirra eru Daði Björnsson, þrítugur karlmaður, og Birgir Halldórsson, 27 ára karlmaður, ákærðir í málinu. Daði er einnig ákærður fyrir fyrrnefnda kannabisræktun og vörslu á maríjúana. Tugir óútskýrðra milljóna Karlmennirnir fjórir eru allir ákærðir fyrir peningaþvætti með því að hafa um nokkuð skeið, fram að handtökunni 4. ágúst, tekið við, geymt, umbreytt eða aflað sér ávinnings af refsiverðum brotum og eftir atvikum með ólögmætum og refsiverðum hætti. Í tilfelli Páls telur lögreglan að rúmlega sextán milljónir króna hafi verið á bankareikningi Páls sem voru óútskýrðar tekjur. Birgir átti rúmlega þrettán milljónir króna á bankareikninig sem engin skýring var á, Jóhannes um sautján milljónir króna og Daði rúmlega sextán milljónir króna. Í flestum tilfellum var um að ræða reiðufé sem var lagt inn á bankareikning. Reikna má með þungum dómum í málinu verði ákærðu fundnir sekir. Á dögunum fengu tveir karlmenn tólf ára fangelsisdóm í umfangsmiklu fíkniefnamáli þar sem efni voru flutt til landsins í saltdreifara. Tólf ára fangelsi er hámarksrefsing í málaflokknum. Fíkniefnabrot Stóra kókaínmálið 2022 Lögreglumál Mest lesið Leið yfir nýja ráðherrann á fyrsta fundi Erlent Ísraelar gera loftárásir á Katar Erlent Fámenn mótmæli við þingsetningu: „Afætur! Aumingjar! Rasistar!“ Innlent Gera loftárásir á háhýsi og vara við yfirvofandi innrás Erlent Gefa grænt ljós á handtökur á grundvelli kynþáttar og málnotkunar Erlent Kínversk ferðaskrifstofa fær ekki áheyrn hjá Hæstarétti Innlent Opinbera bréf Trumps til Epsteins Erlent Ruddust inn til manns og mölbrutu í honum tennurnar Innlent Ekki útgangspunktur að beita ákvæðinu Innlent Boða 157 mál á 157. löggjafaþingi og hér er það helsta Innlent Fleiri fréttir Forseti biðlar til þingmanna og ólíkleg þátttaka í Eurovision Skipar ekki nýjan vararíkissaksóknara Teppa vegna minniháttar umferðarslyss á Kringlumýrarbraut Fámenn mótmæli við þingsetningu: „Afætur! Aumingjar! Rasistar!“ Skipar nefnd um jafnrétti karla Hvatti þingmenn til að halda ekki áfram að setja met í málþófi Bein útsending: Guðsþjónusta og setning Alþingis „Við munum reyna að bæta öll mál“ „Er þetta allt sem Ísland getur gert?“ Bókun 35 verði keyrð í gegnum þingið Ríkisstjórnin sýnir á spilin og Alþingi sett í dag Ekki útgangspunktur að beita ákvæðinu Mikill meirihluti hlynntur Hvammsvirkjun Ruddust inn til manns og mölbrutu í honum tennurnar Boða 157 mál á 157. löggjafaþingi og hér er það helsta Kínversk ferðaskrifstofa fær ekki áheyrn hjá Hæstarétti Gagnrýnir hæstu ríkisútgjöld sögunnar í fjárlagafrumvarpi Svona var kynning ríkisstjórnar á þingmálum vetrarins Reyksprengju kastað inn á pall í Hafnarfirði Verið ættleiddur af Íslendingum Fyrsti dagur Kvikmyndaskólans: „Það besta sem hefur gerst fyrir skólann síðan í apríl“ Hækka hámarksgreiðslur um hundrað þúsund krónur Uppfæra ekki fríverslunarsamning og banna tvo ráðherra Tveir fluttir til aðhlynningar eftir árekstur á Suðurlandsvegi Tekist á um fjárlög, lykkjumálið og aleigan í rafmynt Einn bílstjóri án leyfis og skráningar „Sultaról rithöfunda enn hert“ í fjárlögum Óásættanlegt að almennir starfsmenn séu beittir óeðlilegum þrýstingi Vill hækka skráningargjöldin í 100 þúsund krónur Skjálfti upp á 3,3 í Vatnafjöllum Sjá meira
Málið varðar innflutning á um eitt hundrað kílóum af kókaíni sem voru falin í sjö trjádrumbum í timbursendingu til Íslands. Efnunum var komið fyrir í gámnum í Brasilíu en sendingin fór fyrst til Hollands. Lögreglan á Íslandi hafði komist á snoðir um smyglið vegna rannsóknar á skipulagðri brotastarfsemi og lét tollverði í Rotterdam í Hollandi vita sem skiptu kókaíninu út fyrir gerviefni áður en gámurinn var sendur áfram til Íslands. Fram kom í fréttum í sumar að götuvirði efnanna væri um tveir milljarðar króna. Í ákæru segir að gámurinn hafi verið fluttur í Borgartún frá tollsvæðinu við höfnina hinn 2. ágúst. Þar stóð hann í tvo daga áður en drumbarnir voru teknir og fluttir til Hafnarfjarðar, þar sem fíkniefnin voru fjarlægð. Að því loknu var efnunum pakkað áður en hluti var fluttur til annars aðila til dreifingar og sölu. Lögregla lagði hald á hluta ætlaðra fíkniefna í bifreið við Vefarastræti í Mosfellsbæ. Mennirnir eru ákærðir fyrir skipulagða brotastarfsemi, tilraun til stórfellds fíkniefnalagabrots og peningaþvætti. Rolex-úr gert upptækt Saksóknari krefst þess að ýmislegt verði gert upptækt sem er talið hafa verið keypt fyrir illa fengið fé. Þar á meðal Rolex úr og Lexus bíll sem Jóhannes hafði keypt sér. Einnig á níunda tug timburdrumba og Volkswagen jepplingur sem sagt er að hafi staðið til að nýta til að flytja fíkniefni. Sömuleiðis fjöldi síma og fleira. Við húsleit hjá ákærðu fannst nokkuð af fíkniefnum á borð við MDMA, maríhúana, kannabislauf og kannabisplöntur sem einn ákærðu hafði verið að rækta. Málið verður þingfest í Héraðsdómi Reykjavíkur á miðvikudag og enginn fjórmenninganna á að baki einhvern sakaferil að ráði. Einn ákærðu er Páll Jónsson timburinnflytjandi á sjötugsaldri og í ákæru segir að fyrirtækið hans Hús og Harðviður hafi verið notað til peningaþvættis. Þá er Jóhannes Páll Durr einnig á meðal sakborninga en hann hefur meðal annars verið liðsstjóri íslenska landsliðsins í efótbolta. Auk þeirra eru Daði Björnsson, þrítugur karlmaður, og Birgir Halldórsson, 27 ára karlmaður, ákærðir í málinu. Daði er einnig ákærður fyrir fyrrnefnda kannabisræktun og vörslu á maríjúana. Tugir óútskýrðra milljóna Karlmennirnir fjórir eru allir ákærðir fyrir peningaþvætti með því að hafa um nokkuð skeið, fram að handtökunni 4. ágúst, tekið við, geymt, umbreytt eða aflað sér ávinnings af refsiverðum brotum og eftir atvikum með ólögmætum og refsiverðum hætti. Í tilfelli Páls telur lögreglan að rúmlega sextán milljónir króna hafi verið á bankareikningi Páls sem voru óútskýrðar tekjur. Birgir átti rúmlega þrettán milljónir króna á bankareikninig sem engin skýring var á, Jóhannes um sautján milljónir króna og Daði rúmlega sextán milljónir króna. Í flestum tilfellum var um að ræða reiðufé sem var lagt inn á bankareikning. Reikna má með þungum dómum í málinu verði ákærðu fundnir sekir. Á dögunum fengu tveir karlmenn tólf ára fangelsisdóm í umfangsmiklu fíkniefnamáli þar sem efni voru flutt til landsins í saltdreifara. Tólf ára fangelsi er hámarksrefsing í málaflokknum.
Fíkniefnabrot Stóra kókaínmálið 2022 Lögreglumál Mest lesið Leið yfir nýja ráðherrann á fyrsta fundi Erlent Ísraelar gera loftárásir á Katar Erlent Fámenn mótmæli við þingsetningu: „Afætur! Aumingjar! Rasistar!“ Innlent Gera loftárásir á háhýsi og vara við yfirvofandi innrás Erlent Gefa grænt ljós á handtökur á grundvelli kynþáttar og málnotkunar Erlent Kínversk ferðaskrifstofa fær ekki áheyrn hjá Hæstarétti Innlent Opinbera bréf Trumps til Epsteins Erlent Ruddust inn til manns og mölbrutu í honum tennurnar Innlent Ekki útgangspunktur að beita ákvæðinu Innlent Boða 157 mál á 157. löggjafaþingi og hér er það helsta Innlent Fleiri fréttir Forseti biðlar til þingmanna og ólíkleg þátttaka í Eurovision Skipar ekki nýjan vararíkissaksóknara Teppa vegna minniháttar umferðarslyss á Kringlumýrarbraut Fámenn mótmæli við þingsetningu: „Afætur! Aumingjar! Rasistar!“ Skipar nefnd um jafnrétti karla Hvatti þingmenn til að halda ekki áfram að setja met í málþófi Bein útsending: Guðsþjónusta og setning Alþingis „Við munum reyna að bæta öll mál“ „Er þetta allt sem Ísland getur gert?“ Bókun 35 verði keyrð í gegnum þingið Ríkisstjórnin sýnir á spilin og Alþingi sett í dag Ekki útgangspunktur að beita ákvæðinu Mikill meirihluti hlynntur Hvammsvirkjun Ruddust inn til manns og mölbrutu í honum tennurnar Boða 157 mál á 157. löggjafaþingi og hér er það helsta Kínversk ferðaskrifstofa fær ekki áheyrn hjá Hæstarétti Gagnrýnir hæstu ríkisútgjöld sögunnar í fjárlagafrumvarpi Svona var kynning ríkisstjórnar á þingmálum vetrarins Reyksprengju kastað inn á pall í Hafnarfirði Verið ættleiddur af Íslendingum Fyrsti dagur Kvikmyndaskólans: „Það besta sem hefur gerst fyrir skólann síðan í apríl“ Hækka hámarksgreiðslur um hundrað þúsund krónur Uppfæra ekki fríverslunarsamning og banna tvo ráðherra Tveir fluttir til aðhlynningar eftir árekstur á Suðurlandsvegi Tekist á um fjárlög, lykkjumálið og aleigan í rafmynt Einn bílstjóri án leyfis og skráningar „Sultaról rithöfunda enn hert“ í fjárlögum Óásættanlegt að almennir starfsmenn séu beittir óeðlilegum þrýstingi Vill hækka skráningargjöldin í 100 þúsund krónur Skjálfti upp á 3,3 í Vatnafjöllum Sjá meira