Handbolti

Kristján og félagar upp að hlið toppliðanna | Sigtryggur skoraði fjögur í stóru tapi

Hjörtur Leó Guðjónsson skrifar
Kristján Örn Kristjánsson var ekki með PAUC í kvöld vegna meiðsla.
Kristján Örn Kristjánsson var ekki með PAUC í kvöld vegna meiðsla. Twitter@pauchandball

Kristján Örn Kristjánsson og félagar hans í franska liðinu PAUC lyftu sér upp að hlið toppliða Vals og Flensburg í B-riðli með þriggja marka sigri gegn Ferencváros í kvöld, 33-30. Á sama tíma fékk Íslendingalið Alpla Hard tíu marka skell gegn Granollers, 38-28.

Kristján Örn lék ekki með PAUC í kvöld vegna meiðsla, en eins og áður segir lyftir sigurinn liðinu upp að hlið Vals og Flensburg á toppi riðilsins með fjögur stig. Það er þó aðeins tímabundið því Valur og Flensburg eigast nú við og því ljóst að í það minnsta annað liðið verður með fleiri stig en PAUC að þeim leik loknum.

Í C-riðli mátti Íslendingaliðið Alpla Hard undir stjórn Hannesar Jóns Jónssonar þola tíu marka tap gegn Granollers, 38-28. Sigtryggur Daði Rúnarsson skoraði fjögur mörk fyrir Alpla Hard í kvöld, en liðið er enn án stiga í C-riðli.

Handbolti

Mest lesið


Fleiri fréttir

Sjá meira


×

Mest lesið