Boufal og Bono í uppáhaldi og segir stemmninguna í Marokkó glæsilega Ingvi Þór Sæmundsson skrifar 8. desember 2022 08:00 Mía Georgsdóttir vel merkt Marokkó. vísir/helena Mía Georgsdóttir, formaður félags kvenna frá Marokkó, fylgdist spennt með þegar Marokkóar sigruðu Spánverja í vítaspyrnukeppni, 3-1, í sextán liða úrslitum heimsmeistaramótsins í Katar. Með sigrinum komst Marokkó í átta liða úrslit HM í fyrsta sinn. Mía segir gleðina í Marokkó ósvikna um þessar mundir. „Þetta var mjög, mjög, mjög stressandi. Ég vissi ekki að ég myndi vera svona stressuð. Þetta var eins og fæðing. Þetta var ótrúlega mikið stress,“ sagði Mía í samtali við Vísi í gær. Mía er nýkomin frá heimaborg sinni, Casablanca, þar sem íbúar hafa tekið HM-sóttina eins og í öðrum borgum Marokkó. Hakim Ziyech og Achraf Hakimi eru stærstu stjörnur marokkóska liðsins.getty/Catherine Ivill „Þetta er glæsileg stemmning. Mig langaði svo að fara þangað og upplifa þetta með fjölskyldunni. Ég tók tólf ára son minn með mér til að finna aðeins fyrir þessu. Þetta er ólýsanlegt og æðislegt að upplifa þetta með fjölskyldunni,“ sagði Mía sem hefur búið hér á landi í rúm tuttugu ár. Þrátt fyrir að Marokkó eigi leikmenn í stórliðum á borð við Paris Saint-Germain, Chelsea, Bayern München, Sevilla og Fiorentina segir Mía að væntingarnar til liðsins hafi verið nokkuð hóflegar. „Ég vissi að liðið væri sterkt og það var æðislegt og ótrúlega gaman þegar þetta byrjaði en ég var ekki með neinar væntingar. En ég er bara svo glöð og það er yndislegt að liðið hafi komið svona á óvart,“ sagði Mía. Klippa: Stolt af óvæntum árangri Marokkó Marokkó mætir Portúgal í átta liða úrslitum HM á laugardaginn. Mía hefur mikla trú á sínum mönnum í leiknum stóra. „Það er ekkert annað að gera en að vera bjartsýn. Þetta er rosalegt sterkt lið og allir berjast eins og ljón. Maður sér að þeir leggja sig fram af öllu hjarta. Við vonum það besta,“ sagði Mía. Mía hefur búið hér á landi í 23 ár.vísir/rakel „Portúgal er með rosalegt sterkt lið og ég er ekki með neinar væntingar. En ég veit að liðið berst eins og það hefur gert hingað til í mótinu.“ Eftirlætis leikmenn Míu í marokkóska liðinu eru tveir. Annars vegar kantmaðurinn Sofiane Boufal sem leikur með Angers í Frakklandi og hins vegar markvörðurinn Bono sem leikur með Sevilla. Hann hefur haldið hreinu í þremur af fjórum leikjum Marokkó á HM og varði tvær spyrnur frá leikmönnum Spánar í vítakeppninni í leiknum í fyrradag. Sofiane Boufal átti frábæra spretti í leiknum gegn Spáni.getty/Clive Brunskill „Allir leikmennirnir eru frábærir og maður bjóst ekki við að hver einn og einasti þeirra myndi berjast svona mikið. En Boufal skaraði fram úr í gær [í fyrradag]. Hann var alveg rosalega duglegur, hljóp út um allt og ég var stolt af honum,“ sagði Mía. „Svo er það auðvitað Bono. Hann er aðalmálið og aðal leikmaður dagsins í gær [í fyrradag].“ Samherjar Bonos tolleruðu hann eftir hetjudáðirnar í vítakeppninni gegn Spáni.getty/Shaun Botterill Mía hefur svo mikið álit á þjálfara Marokkó, Walid Regragui, sem tók við liðinu í lok ágúst. Hann hefur stýrt Marokkóum í sjö leikjum. Fjórir hafa unnist og þrír endað með jafntefli. „Hann heldur liðinu saman og það er frábært hvernig hann sameinar alla. Hann er frábær þjálfari. Hann er aðalmaðurinn og það er honum að þakka að allt liðið er frábært,“ sagði Mía. Walid Regragui er enn ósigraður sem þjálfari Marokkó.getty/Alexander Hassenstein Hún vonast til að Íslendingar geti farið að fordæmi Marokkóa og tekið skref fram á við á fótboltavellinum. „Ég elska Ísland alveg eins og Marokkó og hef búið hérna jafn lengi og þar. Ég vona virkilega að Íslendingar rífi sig upp. Þetta er frábært lið og hættið þessari neikvæðni. Það vantar bara smá ást, vilja og dugnað. Ég vona að Íslendingar finni sömu gleði og við Marokkóar finnum,“ sagði Mía að lokum. HM 2022 í Katar Marokkó Mest lesið Ólympíumeistarinn þarf að fara í kynjapróf til að fá að keppa Sport Sjáðu frábæra afgreiðslu Sveindísar Jane Fótbolti Mikil öryggisgæsla í París þótt að úrslitaleikurinn fari fram í München Fótbolti Ancelotti: Brasilíska landsliðið mitt mun spila eins og Real Madrid Fótbolti Stelpurnar hennar Betu réðu ekki við heimsmeistarana í lokin Fótbolti „Þakklát fyrir að vera á leið aftur inn í jafn frábært umhverfi“ Körfubolti „Við í rauninni töpum tveimur stigum“ Fótbolti Samstarf HSÍ og Rapyd heyrir sögunni til Handbolti Njarðvík og ÍR upp í efstu sætin í Lengjudeildinni Íslenski boltinn „Auðveld ákvörðun“ þegar hann heyrði af áhuga Liverpool Enski boltinn Fleiri fréttir Mikil öryggisgæsla í París þótt að úrslitaleikurinn fari fram í München Ancelotti: Brasilíska landsliðið mitt mun spila eins og Real Madrid Njarðvík og ÍR upp í efstu sætin í Lengjudeildinni „Við í rauninni töpum tveimur stigum“ Beever-Jones með þrennu í fyrsta landsleiknum sínum á Wembley Stelpurnar hennar Betu réðu ekki við heimsmeistarana í lokin „Gengur kannski illa að vinna leiki en við vinnum bara réttu leikina“ Fyrrum aðstoðarmaður Klopp aðstoðar Guardiola á næsta tímabili Harder tryggði Dönum dýrmætan sigur Sjáðu frábæra afgreiðslu Sveindísar Jane Ungu strákarnir björguðu andliti Man United í Hong Kong Uppgjörið: Noregur - Ísland 1-1 | Dýrt sjálfsmark kostaði sigurinn „Auðveld ákvörðun“ þegar hann heyrði af áhuga Liverpool Fjórir miðverðir í íslensku vörninni á Lerkendal Bindur vonir við nýja manninn: „Ekki með svona leikmann í liðinu í dag“ Enn hærra metboð frá Liverpool Tilkynnti að hún yrði mamma fyrir stórleikinn við Ísland í kvöld KR-ingar alveg týndir: „Bara eins og þegar ég er einn heima“ Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Heimir uppskar hrossahlátur: „Sagði ekki farið til fjandans“ Palestína gæti komist á HM þrátt fyrir að vera ekki viðurkennt fullvalda ríki Sér á eftir Earps en vill ekki ræða hvað fór þeirra á milli Kaupa Delap og eru í viðræðum við Sancho „Þá leið mér frekar illa eftir leik“ „Eitthvað sem er í vinnslu og gerist kannski“ Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Sjá meira
„Þetta var mjög, mjög, mjög stressandi. Ég vissi ekki að ég myndi vera svona stressuð. Þetta var eins og fæðing. Þetta var ótrúlega mikið stress,“ sagði Mía í samtali við Vísi í gær. Mía er nýkomin frá heimaborg sinni, Casablanca, þar sem íbúar hafa tekið HM-sóttina eins og í öðrum borgum Marokkó. Hakim Ziyech og Achraf Hakimi eru stærstu stjörnur marokkóska liðsins.getty/Catherine Ivill „Þetta er glæsileg stemmning. Mig langaði svo að fara þangað og upplifa þetta með fjölskyldunni. Ég tók tólf ára son minn með mér til að finna aðeins fyrir þessu. Þetta er ólýsanlegt og æðislegt að upplifa þetta með fjölskyldunni,“ sagði Mía sem hefur búið hér á landi í rúm tuttugu ár. Þrátt fyrir að Marokkó eigi leikmenn í stórliðum á borð við Paris Saint-Germain, Chelsea, Bayern München, Sevilla og Fiorentina segir Mía að væntingarnar til liðsins hafi verið nokkuð hóflegar. „Ég vissi að liðið væri sterkt og það var æðislegt og ótrúlega gaman þegar þetta byrjaði en ég var ekki með neinar væntingar. En ég er bara svo glöð og það er yndislegt að liðið hafi komið svona á óvart,“ sagði Mía. Klippa: Stolt af óvæntum árangri Marokkó Marokkó mætir Portúgal í átta liða úrslitum HM á laugardaginn. Mía hefur mikla trú á sínum mönnum í leiknum stóra. „Það er ekkert annað að gera en að vera bjartsýn. Þetta er rosalegt sterkt lið og allir berjast eins og ljón. Maður sér að þeir leggja sig fram af öllu hjarta. Við vonum það besta,“ sagði Mía. Mía hefur búið hér á landi í 23 ár.vísir/rakel „Portúgal er með rosalegt sterkt lið og ég er ekki með neinar væntingar. En ég veit að liðið berst eins og það hefur gert hingað til í mótinu.“ Eftirlætis leikmenn Míu í marokkóska liðinu eru tveir. Annars vegar kantmaðurinn Sofiane Boufal sem leikur með Angers í Frakklandi og hins vegar markvörðurinn Bono sem leikur með Sevilla. Hann hefur haldið hreinu í þremur af fjórum leikjum Marokkó á HM og varði tvær spyrnur frá leikmönnum Spánar í vítakeppninni í leiknum í fyrradag. Sofiane Boufal átti frábæra spretti í leiknum gegn Spáni.getty/Clive Brunskill „Allir leikmennirnir eru frábærir og maður bjóst ekki við að hver einn og einasti þeirra myndi berjast svona mikið. En Boufal skaraði fram úr í gær [í fyrradag]. Hann var alveg rosalega duglegur, hljóp út um allt og ég var stolt af honum,“ sagði Mía. „Svo er það auðvitað Bono. Hann er aðalmálið og aðal leikmaður dagsins í gær [í fyrradag].“ Samherjar Bonos tolleruðu hann eftir hetjudáðirnar í vítakeppninni gegn Spáni.getty/Shaun Botterill Mía hefur svo mikið álit á þjálfara Marokkó, Walid Regragui, sem tók við liðinu í lok ágúst. Hann hefur stýrt Marokkóum í sjö leikjum. Fjórir hafa unnist og þrír endað með jafntefli. „Hann heldur liðinu saman og það er frábært hvernig hann sameinar alla. Hann er frábær þjálfari. Hann er aðalmaðurinn og það er honum að þakka að allt liðið er frábært,“ sagði Mía. Walid Regragui er enn ósigraður sem þjálfari Marokkó.getty/Alexander Hassenstein Hún vonast til að Íslendingar geti farið að fordæmi Marokkóa og tekið skref fram á við á fótboltavellinum. „Ég elska Ísland alveg eins og Marokkó og hef búið hérna jafn lengi og þar. Ég vona virkilega að Íslendingar rífi sig upp. Þetta er frábært lið og hættið þessari neikvæðni. Það vantar bara smá ást, vilja og dugnað. Ég vona að Íslendingar finni sömu gleði og við Marokkóar finnum,“ sagði Mía að lokum.
HM 2022 í Katar Marokkó Mest lesið Ólympíumeistarinn þarf að fara í kynjapróf til að fá að keppa Sport Sjáðu frábæra afgreiðslu Sveindísar Jane Fótbolti Mikil öryggisgæsla í París þótt að úrslitaleikurinn fari fram í München Fótbolti Ancelotti: Brasilíska landsliðið mitt mun spila eins og Real Madrid Fótbolti Stelpurnar hennar Betu réðu ekki við heimsmeistarana í lokin Fótbolti „Þakklát fyrir að vera á leið aftur inn í jafn frábært umhverfi“ Körfubolti „Við í rauninni töpum tveimur stigum“ Fótbolti Samstarf HSÍ og Rapyd heyrir sögunni til Handbolti Njarðvík og ÍR upp í efstu sætin í Lengjudeildinni Íslenski boltinn „Auðveld ákvörðun“ þegar hann heyrði af áhuga Liverpool Enski boltinn Fleiri fréttir Mikil öryggisgæsla í París þótt að úrslitaleikurinn fari fram í München Ancelotti: Brasilíska landsliðið mitt mun spila eins og Real Madrid Njarðvík og ÍR upp í efstu sætin í Lengjudeildinni „Við í rauninni töpum tveimur stigum“ Beever-Jones með þrennu í fyrsta landsleiknum sínum á Wembley Stelpurnar hennar Betu réðu ekki við heimsmeistarana í lokin „Gengur kannski illa að vinna leiki en við vinnum bara réttu leikina“ Fyrrum aðstoðarmaður Klopp aðstoðar Guardiola á næsta tímabili Harder tryggði Dönum dýrmætan sigur Sjáðu frábæra afgreiðslu Sveindísar Jane Ungu strákarnir björguðu andliti Man United í Hong Kong Uppgjörið: Noregur - Ísland 1-1 | Dýrt sjálfsmark kostaði sigurinn „Auðveld ákvörðun“ þegar hann heyrði af áhuga Liverpool Fjórir miðverðir í íslensku vörninni á Lerkendal Bindur vonir við nýja manninn: „Ekki með svona leikmann í liðinu í dag“ Enn hærra metboð frá Liverpool Tilkynnti að hún yrði mamma fyrir stórleikinn við Ísland í kvöld KR-ingar alveg týndir: „Bara eins og þegar ég er einn heima“ Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Heimir uppskar hrossahlátur: „Sagði ekki farið til fjandans“ Palestína gæti komist á HM þrátt fyrir að vera ekki viðurkennt fullvalda ríki Sér á eftir Earps en vill ekki ræða hvað fór þeirra á milli Kaupa Delap og eru í viðræðum við Sancho „Þá leið mér frekar illa eftir leik“ „Eitthvað sem er í vinnslu og gerist kannski“ Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Sjá meira