Handbolti

Íslands- og bikarmeistarar mætast í bikarnum

Valur Páll Eiríksson skrifar
Fram og Valur munu berjast í bikarnum.
Fram og Valur munu berjast í bikarnum. Vísir/Hulda Margrét

Stórleikur er á dagskrá í 8-liða úrslitum Powerade-bikars kvenna í handbolta. Þá eru hörkuviðureignir karlamegin einnig. Dregið var í hádeginu í dag.

Bikarkeppnin hefur borið nafn Coca Cola undanfarin ár en fyrirtækið mun áfram vera styrktaraðili keppninar. Hún mun hins vegar bera nafn Powerade í stað Coca Cola.

Íslandsmeistarar Fram munu mæta bikarmeisturum Vals í 8-liða úrslitum í bikarkeppni kvenna. Valur er á toppi Olís-deildarinnar sem stendur en leikurinn mun fara fram á heimavelli Fram.

8-liða úrslitin fara fram dagana 7. og 8. febrúar en Selfoss mun þar mæta HK, Víkingur mætir Haukum og Stjarnan mætir ÍBV.

  • 8-liða úrslit kvenna
  • Fram - Valur
  • Selfoss - HK
  • Víkingur - Haukar
  • Stjarnan - ÍBV
  •  
  • 8-liða úrslit karla
  • ÍR - Fram
  • Haukar - Hörður
  • KA - Afturelding
  • Stjarnan - Valur

Íslands- og bikarmeistarar Vals í karlaflokki munu sækja Stjörnuna heim í Garðabæ í Powerade-bikar karla. ÍR og Fram munu eigast við í Breiðholti, Haukar mæta Herði að Ásvöllum og Afturelding fer norður um heiðar og mætir KA á Akureyri.

8-liða úrslit karlamegin fara fram viku á eftir þeim í kvennaflokki, dagana 15. og 16. febrúar.

Coca-Cola bikarinn Fram Valur

Mest lesið


Fleiri fréttir

Sjá meira


×

Mest lesið