Þór Ak.
Valur
Spánn og Svíþjóð byrja HM í handbolta á góðum sigrum. Svíþjóð vann fimm marka sigur á Svartfjallalandi og Svíar unnu sannfærandi átta marka sigur á Brasilíu.
Þægilegur fimm marka sigur Spánar, 30-25, skilar liðinu í toppsæti A-riðils að lokinni fyrstu umferð. Kauldi Odriozola var markahæstur í liði Spánar með sjö mörk.
Svíar, sem eru heimalið ásamt Pólverjum að þessu sinni, unnu einstaklega öruggan átta marka sigur. Staðan 11-9 í hálfleik en í þeim síðari lifnaði yfir sóknarleik heimamanna á meðan Brasilía skoraði aftur níu mörk og leiknum lauk með 26-18 sigri Svía.
Jim Gottfridsson skoraði sex mörk í liði Svíþjóðar og var markahæstur.
Fyrstu fjórir leikir dagsins á HM í handbolta eru búnir. Ungverjar unnu öruggan sigur á Suður-Kóreu en liðin eru í D-riðli, sama riðli og Ísland leikur í. Slóvenía fór létt með Sádi-Arabíu, Grænhöfðaeyjar unnu Úrúgvæ og Íran kom til baka gegn Síle.
