Þremenningar vopnaðir hnífum í slagsmálum

Í tilkynningu segir meðal annars frá þremur mönnum sem áttu í slagsmálum, vopnaðir hnífum. Tilkynnt var um slagsmálin en mennirnir voru horfnir af vettvangi þegar lögreglu bar að garði.

Þá segir frá tveimur mönnum sem hafi ekki getað framvísað skilríkjum þegar lögregla leitaði eftir því. Voru þeir handteknir og vistaðir í fangaklefa grunaði rum ólöglega dvöl hér á landi.

Samkvæmt dagbókinni eiga eigendur þriggja skemmtistaða yfir höfði sér kæru þar sem þeir hafi ekki haft nægilega marga dyraverði í vinnu eða að dyraverðir þeirra hafi reynst án réttinda.

Sautján ára piltur var handtekinn í miðborginni eftir að hafa tálmað störf lögreglu, eins og það er orðað í tilkynningu. Var reynt að ræða við hann en þá neitaði hann að gefa upp nafn og kennitölu. Var dregngurinn fluttur á lögreglustöð þar sem rætt var við hann og samband haft við móður drengsins sem sótti hann á lögreglustöð.

Í dagbók lögreglu greinir frá hinum ýmsu verkefnum vegna ölvunar. Sex hið minnsta voru handtekninr vegna ölvunaraksturs, afskpti voru höfð af ofurölvi ungmennum og maður í mjög annarlegu ástandi var aðstoðaður til síns heima þar sem hann gat ekki með nokkru móti gengið.