Fótbolti

Willum og félagar aftur á sigurbraut eftir sigur í Íslendingaslag

Hjörtur Leó Guðjónsson skrifar
Willum Þór Willumsson og félagar hans í Go Ahead Eagles unnu langþráðan sigur í dag.
Willum Þór Willumsson og félagar hans í Go Ahead Eagles unnu langþráðan sigur í dag.

Eftir þrjú töp og eitt jafntefli í seinustu fjórum leikjum eru Willum Þór Willumsson og félagar hans í Go Ahead Eagles aftur komnir á sigurbraut eftir 1-0 sigur gegn Andra Fannari Baldurssyni og felögum hans í Nijmegen í dag.

Willum var í byrjunarliði Go Ahead Eagles og lék allan leikinn á miðjunni fyrir liðið. Andri Fannar var hins vegar ónotaður varamaður í liði Nijmegen.

Eina mark leiksins skoraði Finn Stokkers eftir rúmlega hálftíma leik og niðurstaðan varð því langþráður 1-0 sigur Go Ahead Eagles. Hins vegar er Nijmegen nú án sigurs í seinustu þremur leikjum þar sem liðið hefur tapað tveim og gert eitt jafntefli.

Go Ahead Egles situr nú í tólfta sæti hollensku úrvalsdeildarinnar með 22 stig eftir 20 leiki, tveimur stigum minna en Nijmegen sem situr í tíunda sæti.

Hollenski boltinn

Mest lesið


Fleiri fréttir

Sjá meira


×

Mest lesið