Sport

Íslenska landsliðsfólkið valið sem er á leið á NM í Svíþjóð

Óskar Ófeigur Jónsson skrifar
Guðbjörg Jóna Bjarnadóttir og Guðni Valur Guðnason eru bæði í landsliðinu.
Guðbjörg Jóna Bjarnadóttir og Guðni Valur Guðnason eru bæði í landsliðinu. vísir/baldur

Frjálsíþróttasamband Íslands og íþrótta- og afreksnefnd hafa valið þau sem munu keppa fyrir Íslands hönd á Norðurlandameistaramótinu í frjálsum íþróttum innanhúss fer fram í Karlstad í Svíþjóð, sunnudaginn 12. febrúar.

Meðal keppenda eru þau Kolbeinn Höður Gunnarsson og Guðbjörg Jóna Bjarnadóttir sem hafa bæði slegið fleiri en eitt Íslandsmet á þessu innanhúss tímabili.

Ísland teflir fram sameiginlegu liði með Danmörku á mótinu gegn liðum frá Finnlandi, Svíþjóð og Noregi.

Alls munu fjórar konur og sex karla fara á mótið frá Íslandi. Guðmundur Hólmar Jónsson og Hermann Þór Haraldsson þjálfa liðið og Íris Berg Bryde er liðstjóri.

  • Landslið kvenna:
  • Guðbjörg Jóna Bjarnadóttir (ÍR) / 60m, 200m
  • Irma Gunnarsdóttir (FH) / langstökk
  • Hafdís Sigurðardóttir (UFA) / langstökk
  • Vigdís Jónsdóttir (ÍR) / lóðkast
  • Landslið karla:
  • Kolbeinn Höður Gunnarsson (FH) / 60m, 200m
  • Ísak Óli Traustason (UMSS) / 60m grind.
  • Daníel Ingi Egilsson (FH) / Þrístökk
  • Elías Óli Hilmarsson (FH) / Hástökk
  • Guðni Valur Guðnason (ÍR) / Kúluvarp
  • Sindri Lárusson (UFA) / Kúluvarp
Frjálsar íþróttir

Mest lesið


Fleiri fréttir

Sjá meira


×

Mest lesið