Handbolti

Óðinn markahæstur í tapi Kadetten

Hjörtur Leó Guðjónsson skrifar
Óðinn Þór Ríkharðsson á flugi inn úr horninu. Hann skoraði átta mörk fyrir Kadetten Schaffhausen í kvöld, en það dugði ekki til.
Óðinn Þór Ríkharðsson á flugi inn úr horninu. Hann skoraði átta mörk fyrir Kadetten Schaffhausen í kvöld, en það dugði ekki til. VÍSIR/VILHELM

Óðinn Þór Ríkharðsson var markahæsti maður Kadetten Schaffhausen með átta mörk er liðið heimsótti Montpellier í Evrópudeildinni í handbolta í kvöld. Það dugði þó ekki til því liðið mátti þola fjögrra marka tap, 40-36.

Heimamenn í Montpellierhöfðu yfirhöndina stærstan hluta leiksins og náðu mest sex marka forskoti í fyrri hálfleik. Heimamenn leiddu með fjórum mörkum þegar flautað var til hálfleiks og Óðinn og félagar náðu aldrei að brúa bilið í síðari hálfleik.

Niðurstaðan því fjögurra marka sigur Montpellier, 40-36, og liðið trónir enn á toppi A-riðils með fullt hús stiga eftir sjö leiki. Kadetten, undir stjórn Aðalsteins Eyjólfssonar, sitja hins vegar í þriðja sæti með átta stig og liðið er svo gott sem búið að tryggja sér sæti í 16-liða úrslitum.

Þá mátti Alpla Hard, undir stjórn Hannesar Jóns Jónssonar, þola fimm marka tap gegn Sporting í C-riðli, 31-26.

Handbolti

Mest lesið


Fleiri fréttir

Sjá meira


×

Mest lesið