Íslenskt flugfélag fjórði stærsti flugrekandi júmbó-þotunnar Kristján Már Unnarsson skrifar 14. febrúar 2023 21:03 Baldvin Már Hermannsson, forstjóri Flugfélagsins Atlanta, framan við myndavegginn í Café Atlanta í Kópavogi. Egill Aðalsteinsson Framleiðslu júmbó-risaþotunnar hefur nú verið hætt og hefur síðasta Boeing 747-þotan verið afhent frá verksmiðjunum. Í upprifjun erlendra fjölmiðla á yfir hálfrar aldar sögu hennar hefur komið fram að íslenskt flugfélag er í fjórða sæti yfir stærstu flugrekendur þessarar einstöku flugvélar. Í fréttum Stöðvar 2 voru sýndar myndir af því þegar síðasta 747-þotan var afhent frá Boeing-verksmiðjunum við Seattle til bandaríska fraktflugfélagsins Atlas í byrjun mánaðarins. Það var 53 árum eftir að Pan Am tók hana í notkun, fyrst flugfélaga. Síðasta 747-þotan ekur frá Boeing-verksmiðjunni í Everett í Washington-ríki í byrjun mánaðarins.AP/KOMO Sem fyrsta breiðþota heims olli hún straumhvörfum í flugsamgöngum. Stærð hennar og hagkvæmni stuðluðu að því að flugfargjöld lækkuðu og að flugferðir á milli heimsálfa urðu á færi almennings á Vesturlöndum. Sem forsetaflugvél varð hún einnig áhrifamikið tákn í að stimpla Bandaríkin inn sem mesta efnahagsveldi heims. Við upprifjun á sögu hennar birti flugfréttasíðan Simply Flying lista yfir tíu stærstu flugrekendur í gegnum tíðina. Þar er Air Atlanta Icelandic í fjórða sæti, með eitthundrað þotur, á eftir Atlas Air, Japan Airlines og British Airways, en á undan félögum eins og Singapore Airlines, United Airlines og Lufthansa. Air Atlanta hefur haft eitthundrað Boeing 747-þotur í þjónustu sinni á þrjátíu árum.Air Atlanta Í höfuðstöðum Air Atlanta í Hlíðasmára í Kópavogi, í Café Atlanta, má sjá myndir af þotunum sem félagið hefur rekið. Forstjórinn leynir því ekki að Atlanta-menn eru stoltir af því að vera á topp-tíu listanum. „Að sjálfsögðu. Það er ekkert annað hægt,“ svarar Baldvin Már Hermannsson, forstjóri Flugfélagsins Atlanta. Arngrímur Jóhannsson, stofnandi Air Atlanta, í viðtali við fréttamann Stöðvar 2 við komu fyrstu Boeing 747-þotu félagsins til Íslands fyrir þrjátíu árum.Pétur P. Johnson „Þetta kemur pínu á óvart þegar maður sér hversu margar vélarnar í raun eru sem eru búnar að rúlla í gegn hjá okkur. Þetta er bara ekkert sjálfgefið. Og þegar þú ræðir við aðra flugrekendur og önnur flugfélög úti í heimi erum við klárlega mjög stórt nafn í þessum rekstri. Jú, jú, við erum auðvitað ánægð með það,“ segir Baldvin en um sexhundruð manns starfa núna hjá félaginu, þar af yfir 250 Íslendingar. Arngrímur framan við fyrstu þotuna við komuna til Keflavíkurflugvallar vorið 1993.Pétur P. Johnson Það vakti þjóðarathygli fyrir þrjátíu árum þegar Arngrímur Jóhannsson, stofnandi Atlanta, fékk fyrstu tvær júmbó-þoturnar, vorið 1993. „Síðan þá, síðastliðin þrjátíu ár, hefur þetta verið aðalvinnuhesturinn í okkar rekstri,“ segir Baldvin. Langflestar hafa verið skráðar á Íslandi, borið TF-bókstafi landsins, og verið í verkefnum um allan heim en sjást sjaldan hérlendis. Þegar ein þeirra flaug lágt yfir borginni fyrir tveimur árum varð uppnám, svo stór er hún. Núna rekur félagið fjórtán 747-fraktþotur og er um þessar mundir að bæta við tveimur 747-farþegaþotum, sem koma í rekstur í næsta mánuði. Að mati Baldvins á hún enn mörg góð ár eftir. „Ég held að það sé auðvelt að segja að næstu sex til átta árin er ekkert mál að halda áfram að fljúga 747-þotunum, sérstaklega fraktvélunum.“ Fyrsta Atlanta-þotan fékk nafnið Agnar E. Kofoed-Hansen.Pétur P. Johnson „Þetta er „Queen of the Skies“, svo maður sletti, drottning háloftanna. Bæði hvað hún er tignarleg, burðargetan, fluglengdin. Þetta er einstök vél. Og það er synd að síðasta 747-8, sem er nýjasta týpan, sé komin út úr framleiðslu. Vegna þess að það er ekki til nein flugvél, enn þann dag í dag, sem þú getur horft á að komi mjög auðveldlega og taki við því sem 747-vélin er að gera,“ segir forstjóri Flugfélagsins Atlanta. Hér má sjá frétt Stöðvar 2: Boeing Fréttir af flugi Bandaríkin Tímamót Air Atlanta Tengdar fréttir Síðasta Boeing 747-þotan úr flugvélaverksmiðjunni Síðasta eintak júmbóþotunnar, eða Boeing 747, fór út úr samsetningarverksmiðju Boeing í borginni Everett norðan Seattle í Washington-ríki í gærkvöldi. Þetta er fraktvél af undirtegundinni 747-8 og verður afhent bandaríska vöruflutningafélaginu Atlas Air snemma á næsta ári. 7. desember 2022 16:20 Fimmtíu ár frá fyrsta flugi júmbó-þotunnar Flugheimurinn fagnar því um helgina að fimmtíu ár eru liðin frá fyrsta flugi Boeing 747 risaþotunnar, fyrstu breiðþotu heims. Júmbó-þotan olli straumhvörfum í flugsamgöngum. 10. febrúar 2019 19:45 Loftleiðamenn vildu kaupa Boeing 747 þotur árið 1972 Loftleiðir voru við það að kaupa tvær júmbó-þotur skömmu fyrir sameiningu flugfélaganna, segir Jóhannes Einarsson verkfræðingur, einn helsti samstarfsmaður Alfreðs Elíassonar. 19. apríl 2017 21:30 Risaþota full af Íslendingum á EM í Frakklandi "Við erum að fara að fylgjast með Íslandi taka Ungverjana“ 17. júní 2016 14:24 Mest lesið Hafi verið látinn fljúga þrátt fyrir þekkt andleg veikindi Innlent Ráðist að fólki við Breiðholtsskóla um hábjartan dag Innlent Umfangsmiklar og óútskýrðar rafmagnstruflanir á Íberíuskaga Erlent Vilja láta rannsaka aðild flóttateymis í máli Oscars Innlent Rafmagnsleysið „fordæmalaust“ en engar vísbendingar um tölvuárás Erlent Benedikt telur undanbrögð útvarpsstjóra grátleg Innlent Allt á áætlun en Spánarfarar beðnir um að fylgjast með Innlent Hvetur Kanadamenn að kjósa sig Erlent Fólk eigi ekki að breyta sínu daglega lífi vegna frásagna af hópnauðgun Innlent Engin hópnauðgun um páskana á borði lögreglu Innlent Fleiri fréttir „Við erum mjög háð rafmagninu“ Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sambandsleysi í suðri og óviðunandi ástand í fangelsum Vilja láta rannsaka aðild flóttateymis í máli Oscars Fangelsi oft eina úrræðið Allt á áætlun en Spánarfarar beðnir um að fylgjast með Björn tekur við af Helga Ráðist að fólki við Breiðholtsskóla um hábjartan dag Um níutíu hælisleitendur setið í fangesli síðustu mánuði fyrir brottvísun Kryfja mál Ásthildar Lóu fyrir opnum tjöldum Saka Ingu um metnaðarleysi eftir skipun flokksmanna í stjórn Engin hópnauðgun um páskana á borði lögreglu Nýtt met slegið í fjölda giftinga Benedikt telur undanbrögð útvarpsstjóra grátleg Vill þyngri refsingar fyrir alvarleg kynferðisbrot Tekur við sem framkvæmdastjóri Bergsins Headspace Hafi verið látinn fljúga þrátt fyrir þekkt andleg veikindi Alþingi kemur saman á ný eftir páskafrí Réðust á tvo menn á göngu Fjölgun safngripa kallar á stækkun Flugsafnsins Hljóðheimur sumarsins í hættu: Mikil fækkun lóu og spóa Höllu dreymir um að fá gróðurhús á Bessastaði Bogi les sinn síðasta fréttatíma á morgun Hælisleitendur í einangrun: Versta úrræðið sem hægt er að beita Geðheilbrigði í fangelsum og fækkun lóu og spóa Áætlun Trump gangi engan veginn upp Vill selja bílastæðahús borgarinnar og Iðnó Sjá meira
Í fréttum Stöðvar 2 voru sýndar myndir af því þegar síðasta 747-þotan var afhent frá Boeing-verksmiðjunum við Seattle til bandaríska fraktflugfélagsins Atlas í byrjun mánaðarins. Það var 53 árum eftir að Pan Am tók hana í notkun, fyrst flugfélaga. Síðasta 747-þotan ekur frá Boeing-verksmiðjunni í Everett í Washington-ríki í byrjun mánaðarins.AP/KOMO Sem fyrsta breiðþota heims olli hún straumhvörfum í flugsamgöngum. Stærð hennar og hagkvæmni stuðluðu að því að flugfargjöld lækkuðu og að flugferðir á milli heimsálfa urðu á færi almennings á Vesturlöndum. Sem forsetaflugvél varð hún einnig áhrifamikið tákn í að stimpla Bandaríkin inn sem mesta efnahagsveldi heims. Við upprifjun á sögu hennar birti flugfréttasíðan Simply Flying lista yfir tíu stærstu flugrekendur í gegnum tíðina. Þar er Air Atlanta Icelandic í fjórða sæti, með eitthundrað þotur, á eftir Atlas Air, Japan Airlines og British Airways, en á undan félögum eins og Singapore Airlines, United Airlines og Lufthansa. Air Atlanta hefur haft eitthundrað Boeing 747-þotur í þjónustu sinni á þrjátíu árum.Air Atlanta Í höfuðstöðum Air Atlanta í Hlíðasmára í Kópavogi, í Café Atlanta, má sjá myndir af þotunum sem félagið hefur rekið. Forstjórinn leynir því ekki að Atlanta-menn eru stoltir af því að vera á topp-tíu listanum. „Að sjálfsögðu. Það er ekkert annað hægt,“ svarar Baldvin Már Hermannsson, forstjóri Flugfélagsins Atlanta. Arngrímur Jóhannsson, stofnandi Air Atlanta, í viðtali við fréttamann Stöðvar 2 við komu fyrstu Boeing 747-þotu félagsins til Íslands fyrir þrjátíu árum.Pétur P. Johnson „Þetta kemur pínu á óvart þegar maður sér hversu margar vélarnar í raun eru sem eru búnar að rúlla í gegn hjá okkur. Þetta er bara ekkert sjálfgefið. Og þegar þú ræðir við aðra flugrekendur og önnur flugfélög úti í heimi erum við klárlega mjög stórt nafn í þessum rekstri. Jú, jú, við erum auðvitað ánægð með það,“ segir Baldvin en um sexhundruð manns starfa núna hjá félaginu, þar af yfir 250 Íslendingar. Arngrímur framan við fyrstu þotuna við komuna til Keflavíkurflugvallar vorið 1993.Pétur P. Johnson Það vakti þjóðarathygli fyrir þrjátíu árum þegar Arngrímur Jóhannsson, stofnandi Atlanta, fékk fyrstu tvær júmbó-þoturnar, vorið 1993. „Síðan þá, síðastliðin þrjátíu ár, hefur þetta verið aðalvinnuhesturinn í okkar rekstri,“ segir Baldvin. Langflestar hafa verið skráðar á Íslandi, borið TF-bókstafi landsins, og verið í verkefnum um allan heim en sjást sjaldan hérlendis. Þegar ein þeirra flaug lágt yfir borginni fyrir tveimur árum varð uppnám, svo stór er hún. Núna rekur félagið fjórtán 747-fraktþotur og er um þessar mundir að bæta við tveimur 747-farþegaþotum, sem koma í rekstur í næsta mánuði. Að mati Baldvins á hún enn mörg góð ár eftir. „Ég held að það sé auðvelt að segja að næstu sex til átta árin er ekkert mál að halda áfram að fljúga 747-þotunum, sérstaklega fraktvélunum.“ Fyrsta Atlanta-þotan fékk nafnið Agnar E. Kofoed-Hansen.Pétur P. Johnson „Þetta er „Queen of the Skies“, svo maður sletti, drottning háloftanna. Bæði hvað hún er tignarleg, burðargetan, fluglengdin. Þetta er einstök vél. Og það er synd að síðasta 747-8, sem er nýjasta týpan, sé komin út úr framleiðslu. Vegna þess að það er ekki til nein flugvél, enn þann dag í dag, sem þú getur horft á að komi mjög auðveldlega og taki við því sem 747-vélin er að gera,“ segir forstjóri Flugfélagsins Atlanta. Hér má sjá frétt Stöðvar 2:
Boeing Fréttir af flugi Bandaríkin Tímamót Air Atlanta Tengdar fréttir Síðasta Boeing 747-þotan úr flugvélaverksmiðjunni Síðasta eintak júmbóþotunnar, eða Boeing 747, fór út úr samsetningarverksmiðju Boeing í borginni Everett norðan Seattle í Washington-ríki í gærkvöldi. Þetta er fraktvél af undirtegundinni 747-8 og verður afhent bandaríska vöruflutningafélaginu Atlas Air snemma á næsta ári. 7. desember 2022 16:20 Fimmtíu ár frá fyrsta flugi júmbó-þotunnar Flugheimurinn fagnar því um helgina að fimmtíu ár eru liðin frá fyrsta flugi Boeing 747 risaþotunnar, fyrstu breiðþotu heims. Júmbó-þotan olli straumhvörfum í flugsamgöngum. 10. febrúar 2019 19:45 Loftleiðamenn vildu kaupa Boeing 747 þotur árið 1972 Loftleiðir voru við það að kaupa tvær júmbó-þotur skömmu fyrir sameiningu flugfélaganna, segir Jóhannes Einarsson verkfræðingur, einn helsti samstarfsmaður Alfreðs Elíassonar. 19. apríl 2017 21:30 Risaþota full af Íslendingum á EM í Frakklandi "Við erum að fara að fylgjast með Íslandi taka Ungverjana“ 17. júní 2016 14:24 Mest lesið Hafi verið látinn fljúga þrátt fyrir þekkt andleg veikindi Innlent Ráðist að fólki við Breiðholtsskóla um hábjartan dag Innlent Umfangsmiklar og óútskýrðar rafmagnstruflanir á Íberíuskaga Erlent Vilja láta rannsaka aðild flóttateymis í máli Oscars Innlent Rafmagnsleysið „fordæmalaust“ en engar vísbendingar um tölvuárás Erlent Benedikt telur undanbrögð útvarpsstjóra grátleg Innlent Allt á áætlun en Spánarfarar beðnir um að fylgjast með Innlent Hvetur Kanadamenn að kjósa sig Erlent Fólk eigi ekki að breyta sínu daglega lífi vegna frásagna af hópnauðgun Innlent Engin hópnauðgun um páskana á borði lögreglu Innlent Fleiri fréttir „Við erum mjög háð rafmagninu“ Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sambandsleysi í suðri og óviðunandi ástand í fangelsum Vilja láta rannsaka aðild flóttateymis í máli Oscars Fangelsi oft eina úrræðið Allt á áætlun en Spánarfarar beðnir um að fylgjast með Björn tekur við af Helga Ráðist að fólki við Breiðholtsskóla um hábjartan dag Um níutíu hælisleitendur setið í fangesli síðustu mánuði fyrir brottvísun Kryfja mál Ásthildar Lóu fyrir opnum tjöldum Saka Ingu um metnaðarleysi eftir skipun flokksmanna í stjórn Engin hópnauðgun um páskana á borði lögreglu Nýtt met slegið í fjölda giftinga Benedikt telur undanbrögð útvarpsstjóra grátleg Vill þyngri refsingar fyrir alvarleg kynferðisbrot Tekur við sem framkvæmdastjóri Bergsins Headspace Hafi verið látinn fljúga þrátt fyrir þekkt andleg veikindi Alþingi kemur saman á ný eftir páskafrí Réðust á tvo menn á göngu Fjölgun safngripa kallar á stækkun Flugsafnsins Hljóðheimur sumarsins í hættu: Mikil fækkun lóu og spóa Höllu dreymir um að fá gróðurhús á Bessastaði Bogi les sinn síðasta fréttatíma á morgun Hælisleitendur í einangrun: Versta úrræðið sem hægt er að beita Geðheilbrigði í fangelsum og fækkun lóu og spóa Áætlun Trump gangi engan veginn upp Vill selja bílastæðahús borgarinnar og Iðnó Sjá meira
Síðasta Boeing 747-þotan úr flugvélaverksmiðjunni Síðasta eintak júmbóþotunnar, eða Boeing 747, fór út úr samsetningarverksmiðju Boeing í borginni Everett norðan Seattle í Washington-ríki í gærkvöldi. Þetta er fraktvél af undirtegundinni 747-8 og verður afhent bandaríska vöruflutningafélaginu Atlas Air snemma á næsta ári. 7. desember 2022 16:20
Fimmtíu ár frá fyrsta flugi júmbó-þotunnar Flugheimurinn fagnar því um helgina að fimmtíu ár eru liðin frá fyrsta flugi Boeing 747 risaþotunnar, fyrstu breiðþotu heims. Júmbó-þotan olli straumhvörfum í flugsamgöngum. 10. febrúar 2019 19:45
Loftleiðamenn vildu kaupa Boeing 747 þotur árið 1972 Loftleiðir voru við það að kaupa tvær júmbó-þotur skömmu fyrir sameiningu flugfélaganna, segir Jóhannes Einarsson verkfræðingur, einn helsti samstarfsmaður Alfreðs Elíassonar. 19. apríl 2017 21:30
Risaþota full af Íslendingum á EM í Frakklandi "Við erum að fara að fylgjast með Íslandi taka Ungverjana“ 17. júní 2016 14:24