Lífið

Auður leggur land undir fót og er kominn með íbúð í L.A.

Elma Rut Valtýsdóttir skrifar
Tónlistarmaðurinn Auður hefur komið sér vel fyrir í íbúð í Los Angeles.
Tónlistarmaðurinn Auður hefur komið sér vel fyrir í íbúð í Los Angeles. Instagram

Tónlistarmaðurinn Auðunn Lúthersson er fluttur til Los Angeles í Bandaríkjunum ef marka má mynd sem hann deildi á Instagram síðu sinni í gær.

„New crib, who dis,“ skrifar Auðunn, sem er betur þekktur undir listamannsnafninu Auður, undir mynd af íbúðarrými í L.A.

Rýmið er smekklega innréttað og búið hljóðfærum og búnaði sem benda til þess að Auðunn sé að fara vinna að nýrri tónlist. 

Auðunn steig út úr sviðsljósinu árið 2021 í kjölfar ásakana um ofbeldi. Hann sendi þá frá sér yfirlýsingu og játaði að hafa farið yfir mörk konu, líkt og fjallað hefur verið um hér á Vísi. Hann virðist þó hægt og rólega vera að hasla sér völl á ný.

Sjá: „Bið um að vera dæmdur út frá gjörðum mínum en ekki því sem er ósatt“

Hann gaf út lagið Tárin falla hægt síðasta haust, ásamt tónlistarmanninum Bubba Morthens. Lagið náði miklum vinsældum og sat meðal annars í fyrsta sæti á íslenska vinsældalistanum á streymisveitunni Spotify.

Nokkrum dögum síðar gaf hann svo út lagið Ég var ekki þar með tónlistarmanninum Jóni Jónssyni.

Í desember auglýsti Auðunn íbúð sína á Leifsgötu í Reykjavík til sölu. Í byrjun árs spurði hann svo fylgjendur sína á Instagram hvort þeir vildu fá meiri tónlist frá honum.

Íslendingar erlendis Tónlist Hollywood Mál Auðuns Lútherssonar Hús og heimili

Tengdar fréttir

Enginn hafi spurt hvort búið sé að biðja þær af­sökunar

Þrjár konur segja Auðunn Lúthersson tónlistarmann aldrei hafa beðist afsökunar á framkomu sinni í þeirra garð. Það sé sárt að sjá samfélagið fyrirgefa honum. Erfitt sé að heyra hann játa að hafa farið yfir mörk og verið dónalegur, með því sé hann að smætta gjörðir sínar. 

Telur rétt að innleiða sáttamiðlun í kynferðisbrotamálum

Þingmaður Samfylkingarinnar vill innleiða sáttamiðlun í kynferðisbrotum hér á landi þannig að þolendur geti fengið viðurkenningu á að á þeim hafi verið brotið. Heimild sé í lögum til þess að fara þessa leið en að þrátt fyrir það hafi réttarkerfið ekki nýtt sér hana

„Bið um að vera dæmdur út frá gjörðum mínum en ekki því sem er ósatt“

Það er í grunninn munur á að trúa orðrómum og trúa þolendum. Ég get ekki tekið ábyrgð á því sem er ósatt, segir tónlistarmaðurinn Auður. Hann segist axla ábyrgð á ásökunum kvenna sem hafa sakað hann um að hafa brotið á sér, verið ógnandi og að hafa farið yfir mörk en hafnar algjörlega orðrómum um þöggunarsamninga og brot gegn ólögráða stúlkum.

Auður bað um að vera klipptur út úr „Ófærð“

Framleiðendur þriðju þáttaraðarinnar af „Ófærð“ hafa orðið við beiðni tónlistarmannsins Auðs um að hann verði klipptur úr úr þáttunum. Fyrr í sumar viðurkenndi hann að hafa farið yfir mörk ungrar konu.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.