Lett­neskt lið vill bikar­meistarann Loga

Frá þessu er greint á Fótbolti.net. Samkvæmt heimildum miðilsins þótti tilboð lettneska liðsins einfaldlega of lágt. Riga endaði í öðru sæti lettnesku úrvalsdeildarinnar á síðasta tímabili, fjórum stigum á eftir toppliði Valmiera FC.

Ef Logi myndi ganga til liðs við Riga yrði hann annar Íslendingurinn í sögunni til að leika með liðinu en Axel Óskar Andrésson, varnarmaður Örebro í Svíþjóð, lék með félaginu árið 2021.

Hinn 22 ára gamli Logi var á síðasta tímabili fastamaður í liði Víkings. Alls spilaði hann 30 leiki í deild og bikar fyrir félagið sem varð bikarmeistari þriðja skiptið í röð.

Víkingar misstu Kristal Mána Ingason á miðju síðasta tímabili og seldu nýverið miðjumanninn Júlíus Magnússon. Það virðist sem félagið ætli sér ekki að missa fleiri leikmenn að svo stöddu nema virkilega gott tilboð berist.