Elín Jóna öflug í sigri

Elín Jóna Þorsteinsdóttir átti góðan leik í marki Ringköbing sem vann öruggan átta marka sigur á Skanderborg í dönsku úrvalsdeildinni, 30-38.

Elín varði 15 skot og var með 35 prósent markvörslu. Steinunn Hansdóttir skoraði eitt mark fyrir Skanderborg.

Í Þýskalandi var Sandra Erlingsdóttir í eldlínunni með liði sínu, Metzingen, sem beið lægri hlut fyrir Thuringer, 34-29. Sandra komst ekki á blað þrátt fyrir þrjár marktilraunir.

Í sömu deild gerði Díana Dögg Magnúsdóttir fjögur mörk fyrir Wickau í tapi fyrir Blomberg-Lippe, 33-26.