Húsfyllir þegar lína 66 og GANNI var kynnt

Fjöldi gesta lagði leið sína í verslunina til að sjá fatalínuna. Hún var fyrst kynnt á tískuvikunni í Kaupmannahöfn í ágúst á síðasta ári.

Samkvæmt tilkynningu eru flíkurnar í nýju samstarfslínunni gerðar með sjálfbærni í huga og framleiddar í verksmiðju 66°Norður úr „tæknilegum afgangsefnum og endurunnum efnum.“ Línan er þá framleidd í mjög takmörkuðu upplagi.

„Innblásturinn í hönnuninni byggir á Kríu línunni sem 66°Norður framleiðir ásamt áherslum GANNI á fatnað fyrir daglegt líf í Kaupmannahöfn. Litavalið er undir áhrifum frá Íslandi en þar má finna skæra liti eins og gulan, grænan, bláan sem er skírskotun í norðurljósin og íslenska náttúru. Samstarfslínan fór í sölu í gær en hún er framleidd í takmörkuðu upplagi. DJ Dóra Júlía spilaði góða tónlist og gestir nutu fljótandi veitinga sem voru í boði,“ segir einnig í tilkynningu.