Er VM orðið spilltasta stéttarfélag landsins? Guðmundur Ragnarsson skrifar 28. mars 2023 11:00 Það er sorglegt að sjá stéttarfélagið mitt VM - Félag vélstjóra og málmtæknimanna vera hugsanlega orðið spilltasta stéttarfélag landsins. Þau vinnubrögð sem hafa verið stunduð í félaginu síðan núverandi formaður tók við eru með ólíkindum. Lög ítrekað brotin, sérstaklega hvað varðar meðferð á fjármunum félagsins auk sameiningar inn í annað félag sem félagsmenn hafa ekki fengið kynningu á. Formaðurinn komið fram í fjölmiðlum og sagt réttamæta gagnrýni verða uppspuna og lygi. Stjórnarmenn hafa þagað þunnu hljóði þó þeir viti að formaður félagsins hafi farið fram í fjölmiðlum með ósannindi. Stjórnarmaður sagði sig úr stjórn og úr félaginu eftir síðasta stjórnarkjör, þegar hann sá fram á það að tilraunir hans til að fá upplýsingar um meðferð og samþykktir fyrir hundruðum milljóna króna úr sjóðum félagsins yrði ekki svarað og hann fengi ekki stuðning annarra stjórnarmanna. Tíu félagsmenn þar á meðal fyrrverandi stjórnarmenn til margra ára og með áratuga setu í stjórn VM og Vélstjórafélagi Íslands sendu skriflega fyrirspurn 3. nóvember 2022 til stjórnar félagsins um meint lögbrot og meðferð á fjármunum félagsins sem stjórnin ætlar ekki að svara skriflega samkvæmt síðasta svari hennar. Þessar fyrirspurnir er hægt að nálgast á facebook síðu,: Guðmundur Ragnarsson – VM. Meðal þeirra sem skrifuðu undir fyrirspurnirnar er einstaklingur sem kom einna mest að þeirri vinnu að semja lög VM, þegar Vélstjórafélag Íslands og Félag járniðnaðarmanna sameinuðust og til varð VM – Félag vélstjóra og málmtæknimanna. Hann veit hvað lögð var mikil vinna í það að tryggja að meðferð fjármuna félagsins yrði varin fyrir misnotkun og sóun. Einn af hornsteinum í starfsemi stéttarfélags er meðferð fjármuna þess. Auk hans eru félagsmenn sem ekki hafa getað fengið skýringar á starfsemi félagsins hjá stjórnarmönnum þó þeir hafi ítrekað reynt það. Á hvaða stað erum við komin með stéttarfélagið okkar? Það er sorglegt að verða vitni að því hvað mörgum félagsmönnum VM virðist vera sama þó lög félagsins séu ítrekað brotin. Hafi formaður VM farið vísvitandi fram í fjölmiðlum með rangt mál ber honum að segja af sér. Óheiðarleika og lygar á ekki að líða í stéttarfélagi eins og VM. Stjórn VM ber að lýsa yfir vantrausti á núverandi formann og víkja honum fyrir það að virða ekki lög félagsins sem hann hefur ítrekað brotið og unnið á bak við stjórn félagsins. Að stjórn VM ætli að svara fyrirspurnunum á félagsfundi eins og hún hefur boðað en ekki skriflega lýsir best ástandinu í félaginu og hver fer með rétt mál. Það á kannski að hafa hann eins og fulltrúaráðsfundinn í febrúar 2022 þar sem formaður og stjórn stýrðu hverjir kæmu á fundinn til að fá fyrirfram ákveðna niðurstöðu. Hvar erum við stödd sem samfélag? Hvernig ætlar stjórn VM að senda frá sér gagnrýna ályktun um svindl, spillingu og óheiðaleg vinnubrögð í samfélaginu og hvernig getur stjórnin haldið áfram að vinna í þessum feluleik? Ef stéttarfélag á að vera þess megnugt að gagnrýna óréttlæti og ósæmilegt framferði í samfélaginu, verður það sjálft að sýna fordæmi með fyrirmyndar vinnubrögðum, hlýðni við eigin lög og að allt sé öllum opið og aðgengilegt og fyrirspurnum svarað. Takist okkur ekki að halda vörð um þessi gildi erum við á villigötum. Ef siðleysi og virðingarleysi fyrir okkar eigin lögum fær að þrífast innan verkalýðshreyfingarinnar, erum við illa stödd sem samfélag. Félag eins og VM er eign félagsmanna og starfar fyrir þá en er ekki til fyrir formann til að kaupa sér velvild annarsstaðar vegna eigin getuleysis eða fyrir ótiltekna gæðinga sem hann er að þóknast. Björgum félaginu okkar. Í stéttarfélagi þarf að vera þróun í takt við þjóðfélagsbreytingar og breytta tíma. Breytingarnar þurfa hins vegar að vera unnar félagslega og eftir lögum félagsins. Hugmynd er búin til, hún mótuð og rædd áfram. Þegar komið er uppkast af hugmynd, er komin grundvöllur til að vinna hana félagslega, hún rædd í stjórn, fulltrúaráði og kynnt á félags- eða aðalfundi. Í þessu ferli geta orðið verulegar breytingar því félagsmönnum þóknast þær ekki, þannig á stéttarfélag að vinna. Það hefur ekki verið raunin í VM síðustu ár. Það var reynt að koma þessum lögbrotum á framfæri í síðasta formanns- og stjórnakjöri hjá félaginu. Þegar allri gagnrýni er svarað sem lygi og áróðri og flestir stjórnarmenn þegja er erfitt um vik. Það er alltaf verið að tala um lögbrot og siðleysi í Eflingu, en að mínu viti hafa vinnubrögðin í VM verið miklu verri þar sem brot á lögum félagsins er öllum ljós sem það vilja sjá. Það hefur vakið furðu mína hvað fjölmiðlar hafa haft lítinn áhuga á þessum vinnubrögðum innan VM. Það á aldrei að gefast upp. Þegar menn verða uppvísir af lögbrotum og siðleysi þá á aldrei að hætta að koma því á framfæri fyrr en sannleikurinn fær að koma fram og viðkomandi látinn axla ábyrgð. Það er sorglegt að sjá það plan sem stéttarfélagið okkar er komið á. Getulaust til að vinna eins og alvöru stéttarfélag á að gera. Endurheimtum félagið okkar aftur sem öflugt og heiðarlegt stéttarfélag sem getur starfað eðlilega og látið í sér heyra eins og alvöru stéttarfélög eiga að gera. Kveðja, Guðmundur Ragnarsson Höfundur er félagsmaður og fyrrverandi formaður VM. Viltu birta grein á Vísi? Sendu okkur póst. Senda grein Guðmundur Ragnarsson Stéttarfélög Mest lesið Viljum við stjórnarandstöðu sem þvælist ekki fyrir? Diljá Mist Einarsdóttir Skoðun Lygin um flóttamenn á Íslandi Jón Frímann Jónsson Skoðun Varst þú að kaupa gallaða fasteign? Sara Bryndís Þórsdóttir Skoðun „Glæpir“ Íslendinga Árni Davíðsson Skoðun Mismunun skýrir aukningu erlendra fanga Guðmundur Ingi Þóroddsson Skoðun Störf án staðsetningar - of hátt flækjustig eða rökrétt framþróun? Hildur Ösp Gylfadóttir,Áslaug Eir Hólmgeirsdóttir Skoðun Héraðsvötnin eru hjartsláttur fjarðarins Rakel Hinriksdóttir Skoðun Hlúum að persónumiðaðri nálgun í öldrunarþjónustu Margrét Guðnadóttir Skoðun Ef eitthvað væri að marka Bjarna Gunnar Smári Egilsson Skoðun Skólar hafa stigið skrefið með góðum árangri Kolbrún Áslaugar Baldursdóttir Skoðun Skoðun Skoðun Á að hita upp allan Faxaflóann? Eiríkur Hjálmarsson skrifar Skoðun Á tímamótum: Sameinuðu þjóðirnar í 80 ár Vala Karen Viðarsdóttir,Védís Ólafsdóttir skrifar Skoðun Borgar sig að vanmeta menntun? Kolbrún Halldórsdóttir skrifar Skoðun Samfylkingin hækkar gjöld á háskólanema Guðmundur Ingi Guðbrandsson skrifar Skoðun Aðgerðaáætlun í menntamálum ekki markviss Ingólfur Ásgeir Jóhannesson,Hermína Gunnþórsdóttir skrifar Skoðun Héraðsvötnin eru hjartsláttur fjarðarins Rakel Hinriksdóttir skrifar Skoðun Lygin um flóttamenn á Íslandi Jón Frímann Jónsson skrifar Skoðun Mismunun skýrir aukningu erlendra fanga Guðmundur Ingi Þóroddsson skrifar Skoðun Farsæld barna í fyrirrúmi Bragi Bjarnason skrifar Skoðun Hlúum að persónumiðaðri nálgun í öldrunarþjónustu Margrét Guðnadóttir skrifar Skoðun Viljum við stjórnarandstöðu sem þvælist ekki fyrir? Diljá Mist Einarsdóttir skrifar Skoðun Skólar hafa stigið skrefið með góðum árangri Kolbrún Áslaugar Baldursdóttir skrifar Skoðun Varst þú að kaupa gallaða fasteign? Sara Bryndís Þórsdóttir skrifar Skoðun Störf án staðsetningar - of hátt flækjustig eða rökrétt framþróun? Hildur Ösp Gylfadóttir,Áslaug Eir Hólmgeirsdóttir skrifar Skoðun „Glæpir“ Íslendinga Árni Davíðsson skrifar Skoðun Vörusvik Rafmenntar í nafni Kvikmyndaskóla Íslands og afleiðingar þeirra Böðvar Bjarki Pétursson,Friðrik Þór Friðriksson skrifar Skoðun Fleiri átök = verri útkoma í lestri? Birgir Hrafn Birgisson skrifar Skoðun Biðin sem (enn) veikir og tekur Guðlaugur Eyjólfsson skrifar Skoðun Stafrænt netöryggisbelti Hrannar Ásgrímsson skrifar Skoðun Hvert stefnir ráðherra? Aðalsteinn Árni Baldursson skrifar Skoðun Free tuition Colin Fisher skrifar Skoðun Þegar fólkið okkar langar að deyja Sigurborg Sveinsdóttir,Svava Arnardóttir skrifar Skoðun Why protest works Adam Daniel Fishwick skrifar Skoðun Í senn minning og ákvörðun um framtíð Elliði Vignisson skrifar Skoðun Reynslunni ríkari eftir fjárhagsleg áföll síðustu ára Njáll Trausti Friðbertsson skrifar Skoðun Ríkisstjórn lobbýistanna Jón Ferdínand Estherarson skrifar Skoðun 7 símtöl í röð - en ekkert fer í gegn Gró Einarsdóttir skrifar Skoðun Áttaviti í öldrunarþjónustu Gunnlaugur Már Briem skrifar Skoðun Í skjóli hvíta bjargvættarins Yousef Ingi Tamimi skrifar Skoðun Að gjamma á stóra grábjörninn getur haft afleiðingar! Davíð Bergmann skrifar Sjá meira
Það er sorglegt að sjá stéttarfélagið mitt VM - Félag vélstjóra og málmtæknimanna vera hugsanlega orðið spilltasta stéttarfélag landsins. Þau vinnubrögð sem hafa verið stunduð í félaginu síðan núverandi formaður tók við eru með ólíkindum. Lög ítrekað brotin, sérstaklega hvað varðar meðferð á fjármunum félagsins auk sameiningar inn í annað félag sem félagsmenn hafa ekki fengið kynningu á. Formaðurinn komið fram í fjölmiðlum og sagt réttamæta gagnrýni verða uppspuna og lygi. Stjórnarmenn hafa þagað þunnu hljóði þó þeir viti að formaður félagsins hafi farið fram í fjölmiðlum með ósannindi. Stjórnarmaður sagði sig úr stjórn og úr félaginu eftir síðasta stjórnarkjör, þegar hann sá fram á það að tilraunir hans til að fá upplýsingar um meðferð og samþykktir fyrir hundruðum milljóna króna úr sjóðum félagsins yrði ekki svarað og hann fengi ekki stuðning annarra stjórnarmanna. Tíu félagsmenn þar á meðal fyrrverandi stjórnarmenn til margra ára og með áratuga setu í stjórn VM og Vélstjórafélagi Íslands sendu skriflega fyrirspurn 3. nóvember 2022 til stjórnar félagsins um meint lögbrot og meðferð á fjármunum félagsins sem stjórnin ætlar ekki að svara skriflega samkvæmt síðasta svari hennar. Þessar fyrirspurnir er hægt að nálgast á facebook síðu,: Guðmundur Ragnarsson – VM. Meðal þeirra sem skrifuðu undir fyrirspurnirnar er einstaklingur sem kom einna mest að þeirri vinnu að semja lög VM, þegar Vélstjórafélag Íslands og Félag járniðnaðarmanna sameinuðust og til varð VM – Félag vélstjóra og málmtæknimanna. Hann veit hvað lögð var mikil vinna í það að tryggja að meðferð fjármuna félagsins yrði varin fyrir misnotkun og sóun. Einn af hornsteinum í starfsemi stéttarfélags er meðferð fjármuna þess. Auk hans eru félagsmenn sem ekki hafa getað fengið skýringar á starfsemi félagsins hjá stjórnarmönnum þó þeir hafi ítrekað reynt það. Á hvaða stað erum við komin með stéttarfélagið okkar? Það er sorglegt að verða vitni að því hvað mörgum félagsmönnum VM virðist vera sama þó lög félagsins séu ítrekað brotin. Hafi formaður VM farið vísvitandi fram í fjölmiðlum með rangt mál ber honum að segja af sér. Óheiðarleika og lygar á ekki að líða í stéttarfélagi eins og VM. Stjórn VM ber að lýsa yfir vantrausti á núverandi formann og víkja honum fyrir það að virða ekki lög félagsins sem hann hefur ítrekað brotið og unnið á bak við stjórn félagsins. Að stjórn VM ætli að svara fyrirspurnunum á félagsfundi eins og hún hefur boðað en ekki skriflega lýsir best ástandinu í félaginu og hver fer með rétt mál. Það á kannski að hafa hann eins og fulltrúaráðsfundinn í febrúar 2022 þar sem formaður og stjórn stýrðu hverjir kæmu á fundinn til að fá fyrirfram ákveðna niðurstöðu. Hvar erum við stödd sem samfélag? Hvernig ætlar stjórn VM að senda frá sér gagnrýna ályktun um svindl, spillingu og óheiðaleg vinnubrögð í samfélaginu og hvernig getur stjórnin haldið áfram að vinna í þessum feluleik? Ef stéttarfélag á að vera þess megnugt að gagnrýna óréttlæti og ósæmilegt framferði í samfélaginu, verður það sjálft að sýna fordæmi með fyrirmyndar vinnubrögðum, hlýðni við eigin lög og að allt sé öllum opið og aðgengilegt og fyrirspurnum svarað. Takist okkur ekki að halda vörð um þessi gildi erum við á villigötum. Ef siðleysi og virðingarleysi fyrir okkar eigin lögum fær að þrífast innan verkalýðshreyfingarinnar, erum við illa stödd sem samfélag. Félag eins og VM er eign félagsmanna og starfar fyrir þá en er ekki til fyrir formann til að kaupa sér velvild annarsstaðar vegna eigin getuleysis eða fyrir ótiltekna gæðinga sem hann er að þóknast. Björgum félaginu okkar. Í stéttarfélagi þarf að vera þróun í takt við þjóðfélagsbreytingar og breytta tíma. Breytingarnar þurfa hins vegar að vera unnar félagslega og eftir lögum félagsins. Hugmynd er búin til, hún mótuð og rædd áfram. Þegar komið er uppkast af hugmynd, er komin grundvöllur til að vinna hana félagslega, hún rædd í stjórn, fulltrúaráði og kynnt á félags- eða aðalfundi. Í þessu ferli geta orðið verulegar breytingar því félagsmönnum þóknast þær ekki, þannig á stéttarfélag að vinna. Það hefur ekki verið raunin í VM síðustu ár. Það var reynt að koma þessum lögbrotum á framfæri í síðasta formanns- og stjórnakjöri hjá félaginu. Þegar allri gagnrýni er svarað sem lygi og áróðri og flestir stjórnarmenn þegja er erfitt um vik. Það er alltaf verið að tala um lögbrot og siðleysi í Eflingu, en að mínu viti hafa vinnubrögðin í VM verið miklu verri þar sem brot á lögum félagsins er öllum ljós sem það vilja sjá. Það hefur vakið furðu mína hvað fjölmiðlar hafa haft lítinn áhuga á þessum vinnubrögðum innan VM. Það á aldrei að gefast upp. Þegar menn verða uppvísir af lögbrotum og siðleysi þá á aldrei að hætta að koma því á framfæri fyrr en sannleikurinn fær að koma fram og viðkomandi látinn axla ábyrgð. Það er sorglegt að sjá það plan sem stéttarfélagið okkar er komið á. Getulaust til að vinna eins og alvöru stéttarfélag á að gera. Endurheimtum félagið okkar aftur sem öflugt og heiðarlegt stéttarfélag sem getur starfað eðlilega og látið í sér heyra eins og alvöru stéttarfélög eiga að gera. Kveðja, Guðmundur Ragnarsson Höfundur er félagsmaður og fyrrverandi formaður VM.
Störf án staðsetningar - of hátt flækjustig eða rökrétt framþróun? Hildur Ösp Gylfadóttir,Áslaug Eir Hólmgeirsdóttir Skoðun
Skoðun Aðgerðaáætlun í menntamálum ekki markviss Ingólfur Ásgeir Jóhannesson,Hermína Gunnþórsdóttir skrifar
Skoðun Störf án staðsetningar - of hátt flækjustig eða rökrétt framþróun? Hildur Ösp Gylfadóttir,Áslaug Eir Hólmgeirsdóttir skrifar
Skoðun Vörusvik Rafmenntar í nafni Kvikmyndaskóla Íslands og afleiðingar þeirra Böðvar Bjarki Pétursson,Friðrik Þór Friðriksson skrifar
Störf án staðsetningar - of hátt flækjustig eða rökrétt framþróun? Hildur Ösp Gylfadóttir,Áslaug Eir Hólmgeirsdóttir Skoðun