Blikum spáð Íslandsmeistaratitlinum

Spáin var opinberuð á kynningarfundi Bestu deildarinnar í höfuðstöðvum Vodafone í dag.

Ef spáin rætist verja Blikar Íslandsmeistaratitilinn sem þeir unnu á afar sannfærandi hátt í fyrra. Breiðablik fékk 390 stig í spánni, 23 stigum meira en Valur. Bikarmeisturum Víkings er svo spáð 3. sætinu.

Nýliðar HK fengu fæst stig í spánni, eða 62. Þar á undan koma Keflavík og svo hinir nýliðarnir, Fylkir.

Samkvæmt spánni enda ÍBV og Fram í sömu sætum og á síðasta tímabili en Stjarnan fer niður um tvö sæti og kemst ekki í úrslitakeppni efri hlutans.

Ef spáin rætist fer KA úr 2. sætinu í það fjórða, KR niður um eitt sæti og í það fimmta en FH hífir sig upp um fjögur sæti; fer úr því tíunda í það sjötta og kemst þar með í úrslitakeppni efri hlutans.

Keppni í Bestu deildinni hefst með heilli umferð annan í páskum, mánudaginn 10. apríl.

Spáin 2023