Innlent

Eldur við bílapartasölu á Akureyri

Auður Ösp Guðmundsdóttir skrifar
Slökkvilið Akureyrar.
Slökkvilið Akureyrar. Vísir/Tryggvi Páll

Slökkvilið var kallað til að Bílapartasölunni Austurhlíð, austanmegin við Akureyri fyrr í kvöld eftir að eldur kom fyrir utan húsið.

Í samtali við Vísi segir Gunnar Rúnar Ólafsson slökkviliðsstjóri að eldurinn hafi verið bundinn við tæki fyrir utan húsið.

„Það barst tilkynning um mikinn eld og reyk en þegar slökkviliðið mætti á staðinn var húsið þó ekki talið í hættu.“

Að sögn Gunnars réð slökkviliðið niðurlögum eldsins tiltölulega fljótt. Engin slys urðu á fólki.

„Það voru engin slys eða tjón eða neitt slíkt. Þeir voru nokkuð fljótir að afgreiða þetta og það þurfti ekki að kalla út aukalið.“

Slökkvilið Akureyri

Mest lesið


Fleiri fréttir

Sjá meira


×

Mest lesið