Fótbolti

Sveindís tryggði stelpunum okkar sigur í Sviss

Valur Páll Eiríksson skrifar
Sveindís Jane Jónsdóttir skoraði sigurmark Íslands í kvöld.
Sveindís Jane Jónsdóttir skoraði sigurmark Íslands í kvöld. Daniela Porcelli / www.photosport.nz

Íslenska kvennalandsliðið í knattspyrnu vann góðan 1-2 útisigur er liðið mætti Sviss í æfingaleik ytra í dag. Þetta var seinni leikur liðsins í yfirstandandi landsliðsglugga en liðið gerði jafntefli við Nýja-Sjáland fyrir helgi.

Glódís Perla Viggósdóttir skoraði fyrsta mark leiksins þegar hún kom íslenska liðinu yfir strax á 18. mínútu áður en Seraina Piubel jafnaði metin fyrir heimakonur tuttugu mínútum síðar og staðan var því 1-1 þegar liðin gengu til búningsherbergja.

Það var svo Sveindís Jane Jónsdóttir sem reyndist hetja íslenska liðsins þegar hún tryggði Íslandi 1-2 sigur með marki á 73. mínútu. Íslenska liðið endar því þennan landsliðsglugga með einn sigur og eitt jafntefli.

Landslið kvenna í fótbolta

Mest lesið


Fleiri fréttir

Sjá meira


×

Mest lesið