Varð að hætta skyndilega við tónleika vegna veikinda

Smith átti að koma fram í tónleikahöllinni OVO Hydro í kvöld en hefur neyðst til þess að hætta við. Segist Smith sjálft hafa fengið slæman vírus.

Um er að ræða hluta af Gloria tónleikaferðalagi Smith sem deildi fréttunum af skyndilegum veikindum á samfélagsmiðlinum Instagram í gær.

„Ég verð því miður að fresta tónleikunum mínum í Glasgow þar til 25. maí 2023. Ég sjálft og margir í teyminu hafa fengið vírus sem hefur gert okkur mjög veik.“

Smith segist vilja tryggja að tónleikagestir sínir upplifi sig í sínu allra besta standi. „Og sem stendur er það ekki hægt. Það var líka mjög mikilvægt fyrir mig að við settum tónleikana strax á nýja dagsetningu.“