Sjáðu mynd­bandið: Grét yfir stuðningi fólksins á erfiðri stundu

Dort­mund hafði ör­lögin í sínum eigin höndum fyrir loka­um­ferð deildarinnar en mátti sætta sig við að verða af mikil­vægum stigum í bar­áttunni.

Um afar súra niður­stöðu var að ræða fyrir alla sem tengjast fé­laginu enda þarna stórt tæki­færi fyrir liðið til þess að tryggja sér titil en allt kom fyrir ekki.

Stuðnings­menn Dort­mund sýndu það þó í verki í leiks­lok að þeir standa við bakið á sínum mönnum í blíðu og stríðu.

Þannig voru þeir eftir í stúkunni á Signal Iduna Park, heima­velli Dort­mund, löngu eftir að loka­flautið gall. Þar sungu þeir stuðnings­söngva, söngva sem þjálfari liðsins Edin Terzic var djúpt snortin af.

Hann grét af þakk­læti fyrir framan stuðnings­menn liðsins en Dort­mund endaði í 2. sæti þýsku úr­vals­deildarinnar þetta tíma­bilið, með jafn mörg stig og Bayern Munchen en verri marka­tölu.