„Maður er bara í vinnu hérna og reynir að vinna hana nógu andskoti vel“ Hjörtur Leó Guðjónsson skrifar 9. júní 2023 16:00 Janus Daði Smárason lék lykilhlutverk er Kolstad vann allt sem hægt var að vinna í norska handboltanum í vetur. Kolstad Hið nýríka Íslendingalið Kolstad varð í vikunni norskur meistari í fyrsta sinn í sögu félagsins. Landsliðsmaðurinn Janus Daði Smárason spilaði stór hlutverk fyrir liðið á tímabilinu og segist ekki velta sér of mikið upp úr sögu annarra nýríkra liða úr handboltaheiminum. „Þetta eru bara búnir að vera góðir dagar eftir að titillinn var í höfn. Það er gott að vera kominn í frí og geta fagnað því að þetta hafi gengið svona vel,“ sagði Janus í samtali við Vísi fyrr í dag. Vonbrigði ef liðið fær ekki sæti í Meistaradeildinni Með þá Janus og Sigvalda Björn Guðjónsson innanborðs tryggði Kolstad sér sinn fyrsta Noregsmeistaratitil í sögunni síðastliðinn miðvikudag. Liðið hafði raunar aldrei unnið neitt fyrir þetta tímabil, en Kolstad vann þrefalt í ár. Íslendingaliðið varð deildarmeistari, bikarmeistari og Noregsmeistari, en síðastnefndi titillinn þýðir að Kolstad getur nú sótt um nokkurs konar „wild card“ sæti í Meistaradeildinni á næsta tímabili og yrði liðið þá fært þangað úr Evrópudeildinni. Kolstad er því ekki öruggt með sæti í Meistaradeildinni, en Janus gerir þó fastlega ráð fyrir því að liðið fái að spila í sterkustu Evrópukeppninni á komandi tímabili. „Í rauninni eru alveg líkur á því að við fáum ekki sæti,“ sagði Janus. „Þetta er handbolti þannig að þú veist aldrei hverju þeir finna upp á.“ „En Noregur hefur fengið eitt sæti í gegnum „wild card“ nokkur ár í röð núna og að sama skapi er umtalið um liðið í handboltaheiminum mikið. Að við séum að koma með nýtt lið held ég að vinni alltaf með okkur í að fá þetta sæti.“ Janus, Sigvaldi og liðsfélagar þeirra fagna norska meistaratitlinum.Kolstad Fann fyrir því að verið væri að gera hlutina í fyrsta skipti Eins og áður segir er Kolstad það sem kalla mætti nýríkt félag. Aðalstyrktaraðili liðsins er verslunarkeðjan Rema1000, sem er einnig aðalstyrktaraðili norsku deildarinnar og segir Janus það örlítið sérstaka tilfinningu að labba inn í félag sem er í raun á byrjunarreit í uppbyggingunni. „Þetta var aðeins spes þegar við komum inn í þetta umhverfi. Kolstad hefur í rauninni aldrei unnið neitt og þau inni á skrifstofu höfðu aldrei verið með svona mikið fjármagn og áhuginn á liðinu hafði aldrei verið jafn mikill. Maður fann það alveg að það var verið að gera allt í fyrsta skipti.“ „En það hefur mikið breyst á þessu fyrsta ári. Klúbburinn hefur tekið miklum framförum. En þegar við komum þá var aðstaðan mjög góð og umgjörðin mjög fín þannig að það var mjög gott undirlag til að byggja ofan á.“ Þá segir Janus að þrátt fyrir að áhuginn á liðinu hafi kannski ekki verið gríðarlegur fyrir nokkrum árum séu norskir stuðningsmenn þannig gerðir að auðvelt sé að hrífa þá með. „Ég held að Norðmaðurinn sé rosa góður í þessu. Um leið og það er haft fyrir því að gera flotta umgjörð í kringum leikina og haft smá „show“ með þá mætir fólk. Svo er áhuginn alveg örugglega búinn að vera að aukast svona af því að norsku landsliðsmennirnir eru náttúrulega að koma í sumar,“ sagði Janus og á þá við þá Magnus Rød og Gøran Johannessen frá Flensburg ásamt norsku stórstjörnunni Sander Sagosen frá Kiel. „En þú ert ekki með sama rótgróna kúltúrinn eins og í Þýskalandi og Danmörku þar sem fólk bara mætir á leiki, heldur þarftu svolítið að selja fólkinu að koma.“ Í stórleikjum tímabilsins leikur Kolstad í Kolstad Spektrum höllinni sem tekur um níu þúsund manns í sæti.Christina Pahnke - sampics/Getty Images Veltir sér ekki of mikið upp úr sögum annarra nýríkra félaga Eins og áður hefur komið fram er Kolstad það sem kalla mætti nýríkt félag og eins og margir handboltaáhugamenn vita eiga lið það til að standa á völtum fótum þegar allt í einu verða miklir peningar í spilinu. Frægasta dæmi þess er líklega saga AG København sem þeir Snorri Steinn Guðjónsson, Ólafur Stefánsson, Arnór Atlason og Guðjón Valur Sigurðsson léku með. Janus segist lítið hafa pælt í því að eins gæti farið fyrir Kolstad, en hafi þó einhvern tímann leitt hugann að því. „Auðvitað hefur maður velt þessu eitthvað fyrir sér bara í einhverju spjalli við strákana. En maður pælir ekkert of mikið í einhverju svona. Maður er bara í vinnu hérna og reynir að vinna hana nógu andskoti vel á meðan það er og svo kemur það bara í ljós hvort þessu sé ætlað að vera langlíft eða ekki.“ Hann segist þó frekar vera að hugsa um framtíðina og komandi tímabil, vonandi í Meistaradeildinni. „Við myndum þá fá beint sæti í riðlakeppninni ef við fáum þetta „wild card“ sæti. En ef það klikkar þá förum við væntanlega beint í riðlakeppnina í Evrópudeildinni.“ „En það verður alvöru tímabil eftir sumarfríið. Aftur erum við að fá fjóra, fimm eða sex nýja leikmenn inn þannig að það verður enn meiri pressa á okkur á næsta ári og enn meiri krafa. Hvort að þetta gangi jafn ógeðslega vel og smurt fyrir sig þá eins og hefur gert í ár verður að koma í ljós. Einhvern tímann koma bakslög þannig að það verður mjög krefjandi.“ „Akkúrat núna er ég ekkert mega spenntur að byrja aftur, en eftir eina til tvær vikur held ég að maður verði strax orðinn spenntur að koma sér af stað fyrir næsta tímabil,“ sagði Janus að lokum. Norski handboltinn Mest lesið Þjálfari Dana mætti reiður með síma í viðtal: „Svona á fótbolti ekki að vera“ Fótbolti Eitt sinn fyrstur í nýliðavali NFL, nú rekinn úr sjálfboðastarfi fyrir fjárdrátt Sport Myndefni af ofsaveðrinu: Þrumur, eldingar, haglél og fossandi rigning á EM Fótbolti Almar skoraði fjörutíu stig þegar Ísland varð Norðurlandameistari Körfubolti „Við erum svona fimm prósentum frá þeim stað sem við viljum vera á“ Fótbolti „Mér finnst þessi úrslit ekki eins mikill skandall og fólk talar um“ Fótbolti Liverpool afþakkaði boð Newcastle um Gordon fyrir Quansah Enski boltinn „Aldrei séð svona lélegt ítalskt landslið“ Fótbolti Dagskráin í dag: Formúlan, HM í pílukasti og einn leikur í Bestu deild karla Sport Faðir og sonur munu stýra syni og bróður Körfubolti Fleiri fréttir Stelpurnar tryggðu sér sjöunda sætið Íslensku stelpurnar spila um sjöunda sætið eftir tap í spennuleik Þórsararnir halda áfram að skila sér heim Segir framlög til afreksíþrótta alltof lág: „Þessar 392 milljónir duga engan veginn“ Riðlar Meistaradeildarinnar klárir: Íslendingar áberandi í bestu deild í heimi Hetjuleg barátta dugði ekki til sigurs gegn Evrópumeisturunum Íslensku stelpurnar mæta Ungverjum í átta liða úrslitum „Held að Guðmundur hafi gert afskaplega lítið gott fyrir íslenskan handbolta og HSÍ“ Kiel reyndi að fá Aron aftur „Fólk sem vissi ekkert hvað það var að tala um“ Öruggur sigur á Svartfjallalandi tryggði sæti í 8-liða úrslitum Gagnrýnir máttlausan stuðning ríkisins við afreksíþróttir Staða HSÍ grafalvarleg Sara Sif til Hauka Ísland í sextán liða úrslit Guðmundur hrærður eftir tíðindi morgunsins Guðmundur fer með Fredericia í Meistaradeildina Rakel og Arnar kynnt til leiks hjá Fram „Held ég sé að verða betri þjálfari með hverju árinu sem líður“ HSÍ tapaði rúmlega 85 milljónum króna Rakel tekur við Fram og landsliðsþjálfarinn aðstoðar Íslensku stelpurnar hófu HM á sigri Sjáðu ótrúlegt kynningarmyndband Viktors Gísla Viktor Gísli til pólsku meistaranna Guðmundur framlengir: „Hefur lyft öllu á hærra plan“ Eyjamenn safna liði: Róbert snýr aftur til Eyja Grótta sækir liðsstyrk frá föllnum Selfyssingum Kári Kristján verður áfram með ÍBV: „Tek annað hókípókí með krökkunum“ Sakaður um tilraun til nauðgunar en sektaður fyrir að bera sig Aron og Thea Imani mikilvægust í vetur Sjá meira
„Þetta eru bara búnir að vera góðir dagar eftir að titillinn var í höfn. Það er gott að vera kominn í frí og geta fagnað því að þetta hafi gengið svona vel,“ sagði Janus í samtali við Vísi fyrr í dag. Vonbrigði ef liðið fær ekki sæti í Meistaradeildinni Með þá Janus og Sigvalda Björn Guðjónsson innanborðs tryggði Kolstad sér sinn fyrsta Noregsmeistaratitil í sögunni síðastliðinn miðvikudag. Liðið hafði raunar aldrei unnið neitt fyrir þetta tímabil, en Kolstad vann þrefalt í ár. Íslendingaliðið varð deildarmeistari, bikarmeistari og Noregsmeistari, en síðastnefndi titillinn þýðir að Kolstad getur nú sótt um nokkurs konar „wild card“ sæti í Meistaradeildinni á næsta tímabili og yrði liðið þá fært þangað úr Evrópudeildinni. Kolstad er því ekki öruggt með sæti í Meistaradeildinni, en Janus gerir þó fastlega ráð fyrir því að liðið fái að spila í sterkustu Evrópukeppninni á komandi tímabili. „Í rauninni eru alveg líkur á því að við fáum ekki sæti,“ sagði Janus. „Þetta er handbolti þannig að þú veist aldrei hverju þeir finna upp á.“ „En Noregur hefur fengið eitt sæti í gegnum „wild card“ nokkur ár í röð núna og að sama skapi er umtalið um liðið í handboltaheiminum mikið. Að við séum að koma með nýtt lið held ég að vinni alltaf með okkur í að fá þetta sæti.“ Janus, Sigvaldi og liðsfélagar þeirra fagna norska meistaratitlinum.Kolstad Fann fyrir því að verið væri að gera hlutina í fyrsta skipti Eins og áður segir er Kolstad það sem kalla mætti nýríkt félag. Aðalstyrktaraðili liðsins er verslunarkeðjan Rema1000, sem er einnig aðalstyrktaraðili norsku deildarinnar og segir Janus það örlítið sérstaka tilfinningu að labba inn í félag sem er í raun á byrjunarreit í uppbyggingunni. „Þetta var aðeins spes þegar við komum inn í þetta umhverfi. Kolstad hefur í rauninni aldrei unnið neitt og þau inni á skrifstofu höfðu aldrei verið með svona mikið fjármagn og áhuginn á liðinu hafði aldrei verið jafn mikill. Maður fann það alveg að það var verið að gera allt í fyrsta skipti.“ „En það hefur mikið breyst á þessu fyrsta ári. Klúbburinn hefur tekið miklum framförum. En þegar við komum þá var aðstaðan mjög góð og umgjörðin mjög fín þannig að það var mjög gott undirlag til að byggja ofan á.“ Þá segir Janus að þrátt fyrir að áhuginn á liðinu hafi kannski ekki verið gríðarlegur fyrir nokkrum árum séu norskir stuðningsmenn þannig gerðir að auðvelt sé að hrífa þá með. „Ég held að Norðmaðurinn sé rosa góður í þessu. Um leið og það er haft fyrir því að gera flotta umgjörð í kringum leikina og haft smá „show“ með þá mætir fólk. Svo er áhuginn alveg örugglega búinn að vera að aukast svona af því að norsku landsliðsmennirnir eru náttúrulega að koma í sumar,“ sagði Janus og á þá við þá Magnus Rød og Gøran Johannessen frá Flensburg ásamt norsku stórstjörnunni Sander Sagosen frá Kiel. „En þú ert ekki með sama rótgróna kúltúrinn eins og í Þýskalandi og Danmörku þar sem fólk bara mætir á leiki, heldur þarftu svolítið að selja fólkinu að koma.“ Í stórleikjum tímabilsins leikur Kolstad í Kolstad Spektrum höllinni sem tekur um níu þúsund manns í sæti.Christina Pahnke - sampics/Getty Images Veltir sér ekki of mikið upp úr sögum annarra nýríkra félaga Eins og áður hefur komið fram er Kolstad það sem kalla mætti nýríkt félag og eins og margir handboltaáhugamenn vita eiga lið það til að standa á völtum fótum þegar allt í einu verða miklir peningar í spilinu. Frægasta dæmi þess er líklega saga AG København sem þeir Snorri Steinn Guðjónsson, Ólafur Stefánsson, Arnór Atlason og Guðjón Valur Sigurðsson léku með. Janus segist lítið hafa pælt í því að eins gæti farið fyrir Kolstad, en hafi þó einhvern tímann leitt hugann að því. „Auðvitað hefur maður velt þessu eitthvað fyrir sér bara í einhverju spjalli við strákana. En maður pælir ekkert of mikið í einhverju svona. Maður er bara í vinnu hérna og reynir að vinna hana nógu andskoti vel á meðan það er og svo kemur það bara í ljós hvort þessu sé ætlað að vera langlíft eða ekki.“ Hann segist þó frekar vera að hugsa um framtíðina og komandi tímabil, vonandi í Meistaradeildinni. „Við myndum þá fá beint sæti í riðlakeppninni ef við fáum þetta „wild card“ sæti. En ef það klikkar þá förum við væntanlega beint í riðlakeppnina í Evrópudeildinni.“ „En það verður alvöru tímabil eftir sumarfríið. Aftur erum við að fá fjóra, fimm eða sex nýja leikmenn inn þannig að það verður enn meiri pressa á okkur á næsta ári og enn meiri krafa. Hvort að þetta gangi jafn ógeðslega vel og smurt fyrir sig þá eins og hefur gert í ár verður að koma í ljós. Einhvern tímann koma bakslög þannig að það verður mjög krefjandi.“ „Akkúrat núna er ég ekkert mega spenntur að byrja aftur, en eftir eina til tvær vikur held ég að maður verði strax orðinn spenntur að koma sér af stað fyrir næsta tímabil,“ sagði Janus að lokum.
Norski handboltinn Mest lesið Þjálfari Dana mætti reiður með síma í viðtal: „Svona á fótbolti ekki að vera“ Fótbolti Eitt sinn fyrstur í nýliðavali NFL, nú rekinn úr sjálfboðastarfi fyrir fjárdrátt Sport Myndefni af ofsaveðrinu: Þrumur, eldingar, haglél og fossandi rigning á EM Fótbolti Almar skoraði fjörutíu stig þegar Ísland varð Norðurlandameistari Körfubolti „Við erum svona fimm prósentum frá þeim stað sem við viljum vera á“ Fótbolti „Mér finnst þessi úrslit ekki eins mikill skandall og fólk talar um“ Fótbolti Liverpool afþakkaði boð Newcastle um Gordon fyrir Quansah Enski boltinn „Aldrei séð svona lélegt ítalskt landslið“ Fótbolti Dagskráin í dag: Formúlan, HM í pílukasti og einn leikur í Bestu deild karla Sport Faðir og sonur munu stýra syni og bróður Körfubolti Fleiri fréttir Stelpurnar tryggðu sér sjöunda sætið Íslensku stelpurnar spila um sjöunda sætið eftir tap í spennuleik Þórsararnir halda áfram að skila sér heim Segir framlög til afreksíþrótta alltof lág: „Þessar 392 milljónir duga engan veginn“ Riðlar Meistaradeildarinnar klárir: Íslendingar áberandi í bestu deild í heimi Hetjuleg barátta dugði ekki til sigurs gegn Evrópumeisturunum Íslensku stelpurnar mæta Ungverjum í átta liða úrslitum „Held að Guðmundur hafi gert afskaplega lítið gott fyrir íslenskan handbolta og HSÍ“ Kiel reyndi að fá Aron aftur „Fólk sem vissi ekkert hvað það var að tala um“ Öruggur sigur á Svartfjallalandi tryggði sæti í 8-liða úrslitum Gagnrýnir máttlausan stuðning ríkisins við afreksíþróttir Staða HSÍ grafalvarleg Sara Sif til Hauka Ísland í sextán liða úrslit Guðmundur hrærður eftir tíðindi morgunsins Guðmundur fer með Fredericia í Meistaradeildina Rakel og Arnar kynnt til leiks hjá Fram „Held ég sé að verða betri þjálfari með hverju árinu sem líður“ HSÍ tapaði rúmlega 85 milljónum króna Rakel tekur við Fram og landsliðsþjálfarinn aðstoðar Íslensku stelpurnar hófu HM á sigri Sjáðu ótrúlegt kynningarmyndband Viktors Gísla Viktor Gísli til pólsku meistaranna Guðmundur framlengir: „Hefur lyft öllu á hærra plan“ Eyjamenn safna liði: Róbert snýr aftur til Eyja Grótta sækir liðsstyrk frá föllnum Selfyssingum Kári Kristján verður áfram með ÍBV: „Tek annað hókípókí með krökkunum“ Sakaður um tilraun til nauðgunar en sektaður fyrir að bera sig Aron og Thea Imani mikilvægust í vetur Sjá meira