Innlent

Borgari elti uppi stút á stolnum bíl

Árni Sæberg skrifar
Lögreglumenn stöðvuðu för mannsins.
Lögreglumenn stöðvuðu för mannsins. Vísir/Vilhelm

Í dag barst lögreglunni á höfuðborgarsvæðinu tilkynning um mann í annarlegu ástandi ganga á milli bíla og reyna að komast inn í þá. Svo fór að hann komst inn í bíl einn og ók af stað, þrátt fyrir ástand sitt. Sá sem tilkynnti elti manninn þar til lögregla náði að stöðva för hans.

Þetta er meðal þess sem kemur fram í dagbókarfærslu lögreglunnar fyrir daginn.

Þar segir að maðurinn hafi verið handtekinn grunaður um nytjastuld farartækis og akstur undir áhrifum ávana- og fíkniefna.

Af dagbókinni að dæma var nokkuð mikið um menn í annarlegu ástandi í umdæmi lögreglustöðvarinnar á Hverfisgötu. Lögregla sinnti til að mynda tilkynningu um mann sem neitaði að fylgja fyrirmælum öryggisvarðar og óskaðist fjarlægður. Lögregla ók manninum að samastað hans.

Lögreglumál Reykjavík

Mest lesið


Fleiri fréttir

Sjá meira


×

Mest lesið