Erlent

Segja gögn benda til þess að grísk yfir­völd hafi sagt ó­satt

Gunnar Reynir Valþórsson skrifar
Þeir sem björguðust hafast nú við í vöruskemmu í bænum Kalamata.
Þeir sem björguðust hafast nú við í vöruskemmu í bænum Kalamata. AP/Angelos Tzortzinis

Breska ríkisútvarpið segist hafa gögn undir höndum sem bendi til að gríska strandgæslan hafi ekki sagt rétt frá þegar yfirfullur flóttamannabátur sökk unan grísku ströndinni með þeim afleiðingum að hundruð fórust.

 Svo virðist sem skipið hafi verið kjurrt í að minnsta kosti sjö klukkustundir áður en því hvolfdi en strandgæslan hafði sagt að skipið hefði verið á ferð allan tíman, á leið til Ítalíu og raunar hafi skipstjórinn ítrekað afþakkað aðstoð. 

Að minnsta kosti sjötíu og átta dauðsföll hafa verið staðfest en Sameinuðu þjóðirnar telja ljóst að 500 hið minnsta hafi verið um borð. 

Stofnunin hefur kallað eftir því að aðkoma grískra yfirvalda að málinu verði rannsökuð og þá sérstaklega hvers vegna björgunaraðgerðir hafi ekki hafist fyrr.

Grikkland Flóttamenn Hælisleitendur

Mest lesið


Fleiri fréttir

Sjá meira


×

Mest lesið