Fótbolti

Átti hina full­komnu spyrnu í hálf­leik

Runólfur Trausti Þórhallsson skrifar
Hin fullkomna spyrna er ekki til, eða hvað?
Hin fullkomna spyrna er ekki til, eða hvað? San José Earthquakes

Stórskemmtilegt atvik átti sér stað í hálfleik á leik San José Earthquakes og Portland Timbers í MLS-deildinni í knattspyrnu. Leikurinn sjálfur endaði með markalausu jafntefli en atvikið sem um er ræðir fór eins og eldur í sinu um samfélagsmiðla.

Í hálfleik á leikjum San José spilar valið stuðningsfólk leik sem kallaður er „Bocce Soccer“ á ensku. Markmiðið er einfalt, sparka á boltanum frá vítateigslínunni og reyna að láta hann stöðvast sem næst miðjupunktinum.

Um liðna helgi átti stuðningsmaður San José hina fullkomnu spyrnu en boltinn stöðvaðist nákvæmlega í miðjuhringnum. Myndbönd af þessu kostulega atviki sem og viðbrögð viðstaddra má sjá hér að neðan.

San José er í 4. sæti Vesturdeildar með 27 stig, tveimur minna en topplið St. Louis City, þegar 18 umferðum er lokið.

Fótbolti Bandaríski fótboltinn

Mest lesið


Fleiri fréttir

Sjá meira


×

Mest lesið