Fékk ó­vænta að­stoð við að fá eigin­handar­á­ritun frá Ron­aldin­ho

Áhorfandinn hafði hlaupið inn á völlinn eftir að flautað var til leiksloka í góðgerðaleik og ætlaði sér að fá Ronaldinho til að árita treyjuna sína.

Ronaldinho er fyrrum besti knattspyrnumaður heims og heimsmeistari með brasilíska landsliðinu. Hann stóð þarna við hlið Ronaldo sem varð heimsmeistari með honum árið 2002.

Öryggisverðir komu hins vegar í veg fyrir að áhorfandinn kæmist alla leið til Ronaldinho.

Ónefndi áhorfandinn endaði reyndar á því að kasta treyju sinni í átt að Ronaldinho áður en öryggisverðirnir færðu hann í burtu.

Tik Tok stjarnan Khaby Lame fann til með stráknum og ákvað að redda sjálfur áritun frá Ronaldinho.

Lame hljóp síðan með treyjuna til áhorfandans og náði honum rétt áður en hann var færður út af vellinum.

Áhorfendur fögnuðu vel þessu framtaki Khaby Lame og hann fékk líka góðar viðtökur hjá félögum sínum í liðinu. Það má sjá þetta atvik hér fyrir neðan.