Hegðunin á flug­vellinum hafi gert út­slagið

„Þetta hefur ekki verið auðvelt,“ segir Delevingne í viðtali við bresku útgáfu tímaritsins Elle. Hún segir þó að það hafi komi aldrei upp augnablik þar sem hún sér eftir því að hafa farið í meðferð. „Hver einasta sekúnda hefur verið þess virði. Ég veit ekki hvað þyrfti að gerast svo ég myndi gefast upp. Ég er stöðug. Ég er rólegri.“

Myndbönd og myndir af hegðun Delevingne á Van Nuys flugvellinum í Los Angeles vöktu töluverða athygli þegar fjallað var um þau í september árið 2022. Fullyrt var að vinir Delevingne hefðu miklar áhyggjur af henni vegna hegðunar hennar á þeim tíma. 

 „Þetta er ógnvekjandi fyrir fólkið sem elskar mann,“ sagði Delevingne í viðtali við Vogue í vor. Þar sagði hún að á þessum tímapunkti hafi fjöldi fólks í kringum hana haft miklar áhyggjur af henni.