Að viðurkenna mistök án þess að viðurkenna mistök Einar Scheving skrifar 8. ágúst 2023 10:00 Jæja krakkar - Guð almáttugur hefur talað! Hann virðist þó vera farinn að efast ögn um eigið almætti, þótt þjóðin muni líklega seint missa á hann trúna. Hann er jú Guð, bara ögn breyskari - næstum mennskur. Hann - einnig þekktur sem Kári Stefánsson - bendir enda nú á hluti sem margir kollegar hans víða um heim hafa vitað í nokkur ár og reynt með veikum mætti að koma til skila. Hins vegar gættu samfélags- og meginstraumsmiðlar þess að slíkar raddir heyrðust ekki og þegar þær sluppu í gegn þá voru þær stimplaðar sem raddir samsæriskenninga og falsfrétta. Tilskipanir um ritskoðun og þöggun vestra komu m.a.s. beint frá Hvíta húsinu, eins og Twitter skjölin sönnuðu, en miðlarnir hér heima tóku sennilega upp hjá sjálfum sér að vera þægir þegnar yfirvalda, lausir við óþægindin sem fylgir því að sinna hlutverki sínu. Er Kári s.s. kominn í hóp samsæriskenningasmiða, eða sleppur hann fyrir horn þar sem hann er aðeins vitur (afsakðið - vitrari) eftir á? Er Kári kannski, með þessu nýjasta útspili, búinn að gefa læknum, vísindafólki og fjölmiðlum leyfi til að tjá sig á annan máta en leyfst hefur hingað til? Ég meina, ef Kári getur viðurkennt mistök - án þess reyndar að gera það - þá hljóta minni spámenn að mega það líka, eða hvað? Nú segir hann að óþarfi hefði verið að bólusetja fólk undir fimmtugu. Ef frá eru talin börn fram að fimm ára aldri (sem - ótrúlegt en satt, ekki þótti nauðsynlegt að bólusetja), þá erum við að tala um u.þ.b. 250.000 Íslendinga, þ.e. u.þ.b. 65% landsmanna. M.ö.o. - af öllum þeim Íslendingum sem Kári vildi ólmur bólusetja, þá segir hann nú að 2/3 þeirra hefðu ekki þurft þessa bólusetningu. Ef þessi afgerandi meirihluti Íslendinga hefði haft tök á því að fara eftir ráðleggingum ritskoðaðra og ófrægðra kollega Kára um heim allan (eða getað þegið ráð Kára sjálfs núna), væru þeir þá allir drullusokkar, eins og hann kallaði óbólusetta á sínum tíma? „En ég varð ekki var við neitt offors þegar það kom að fólki sem hafði aðra skoðun,“ segir maðurinn sem lét hafa eftir sér í viðtölum að færa mætti „rök fyrir því að koma eigi þeirri skyldu á að þeir einstaklingar sem ekki vilja láta bólusetja sig verði skikkaðir í sóttkví að eilífu.“ - enda drullusokkar. Talandi um drullu - þegar búið er að drulla upp á bak, þá er ósköp eðlilegt að reynt sé að skýla sér á bak við fordæmalausa tíma og að við vissum ekki betur. Þetta höfum við séð trekk í trekk í mannkynssögunni. Kári segir: „Þegar þessi faraldur varð raunveruleiki fyrir okkur hér uppi á Íslandi í mars árið 2020 þá leit þetta út fyrir að vera fyrsti kafli í sögunni um útrýmingu mannkyns.“ Útrýmingu mannkyns? Sjitturinn! En Kári vissi auðvitað betur, enda reiknaði hans eigið teymi það m.a.s. út í sama mánuði að dánartíðnin væri aðeins 0,3% (þótt hún væri auðvitað mun minni í raun). Af hverju skyldi Kári nú vera að opna á umræðuna (þótt hann hefði auðvitað degi seinna reynt að draga í land)? Skyldi það kannski vera vegna þess að óumdeilanlegt er að Covid bóluefnin eru að valda gríðarlegu heilsutjóni um heim allan, að ekki sé minnst á gagnsleysi þeirra? Nýleg svissnesk rannsókn (af aragrúa vísindarannsókna) sýnir að 1 af hverjum 35 þátttakendum fengu einkenni hjartavöðvabólgu. Kári talar um verulega óalgengar aukaverkanir, en flestir læknar væru væntanlega sammála um að tæplega 3% líkur á mjög alvarlegri aukaverkun vegna lyfs séu allt annað en litlar. En eins og áður sagði þá var Kári snöggur að draga í land og segir að þrátt fyrir allt sem hann viti núna að hann myndi fara eins að ef sambærilegur faraldur myndi skella á. Ég spyr því alla sómakæra landsmenn hvernig þeir ætla að bregðast við næst þegar Kári, eða einhver annar með álíka kröftugt gjallarhorn og marga aðdáendur, ætlar að ráðskast með heilsu og hag þjóðarinnar – og það jafnvel með hatursorðræðu sem hvetur til útskúfunar minnihlutahóps? Ætlum við alltaf að bíða þangað til óhætt er að líta í baksýnisspegilinn? Höfundur er tónlistarmaður. Viltu birta grein á Vísi? Sendu okkur póst. Senda grein Faraldur kórónuveiru (COVID-19) Bólusetningar Mest lesið Halldór 29.03.2025 Halldór Forsjárhyggja Sjálfstæðis- og Framsóknarfólks í Hafnarfirði í garð fólks með fötlun Stefán Már Gunnlaugsson Skoðun Hugtakastríðið mikla Sigmar Guðmundsson Skoðun Falsfréttastjóri RÚV dýpkar holuna sína Einar Steingrímsson Skoðun Ákall um breytingar Gissur Freyr Gissurarson Skoðun Ekki er allt sem sýnist Ólafur Helgi Marteinsson Skoðun Skóli án aðgreiningar: Hentar ýktasta mynd skólastefnunnar öllum börnum? Jóna Sigríður Valbergsdóttir Skoðun Hrynur sjávarútvegur? Stefán Ólafsson Skoðun Laun kvenna og karla Sigríður Ingibjörg Ingadóttir,Steinunn Bragadóttir Skoðun Vanfjármögnun vísindanna Magnús Hallsson,Styrmir Hallsson Skoðun Skoðun Skoðun Hugtakastríðið mikla Sigmar Guðmundsson skrifar Skoðun Forsjárhyggja Sjálfstæðis- og Framsóknarfólks í Hafnarfirði í garð fólks með fötlun Stefán Már Gunnlaugsson skrifar Skoðun Ekki er allt sem sýnist Ólafur Helgi Marteinsson skrifar Skoðun Skóli án aðgreiningar: Hentar ýktasta mynd skólastefnunnar öllum börnum? Jóna Sigríður Valbergsdóttir skrifar Skoðun Vilji til að rjúfa kyrrstöðu í húsnæðiskreppunni Finnbjörn A. Hermannsson skrifar Skoðun Grænt ál frá Íslandi er mikilvægt fyrir sjálfstæða Evrópu Guðríður Eldey Arnardóttir skrifar Skoðun Þegar barn óttast önnur börn Kolbrún Áslaugar Baldursdóttir skrifar Skoðun Falsfréttastjóri RÚV dýpkar holuna sína Einar Steingrímsson skrifar Skoðun Ákall um breytingar Gissur Freyr Gissurarson skrifar Skoðun Veit sem sagt Grímur betur? Hjörtur J. Guðmundsson skrifar Skoðun Hvernig talar maður við tölvur og hafa vélar rökhugsun? Henning Arnór Úlfarsson skrifar Skoðun Laun kvenna og karla Sigríður Ingibjörg Ingadóttir,Steinunn Bragadóttir skrifar Skoðun Verkin sem ríkisstjórnin verður dæmd af Diljá Mist Einarsdóttir skrifar Skoðun Open Letter to new HÍ Rector re Disability Support Hópur starfsfólks og nemenda við HÍ skrifar Skoðun Vanfjármögnun vísindanna Magnús Hallsson,Styrmir Hallsson skrifar Skoðun Kárhóll og Kína: Þegar vísindi verða pólitísk tól Davíð Michelsen skrifar Skoðun Mál Ásthildar Lóu Þórsdóttur – Hvernig manneskjur viljum við vera? Hulda Steingrímsdóttir skrifar Skoðun Ríkisstjórn gegn fjölskyldusameiningum? Þorbjörg Þorvaldsdóttir skrifar Skoðun Lýðræðið deyr í myrkrinu Heiðar Örn Sigurfinnsson skrifar Skoðun Færni til framtíðar Álfheiður Ingólfsdóttir skrifar Skoðun Ofbeldi Bjarni Karlsson skrifar Skoðun Lestu Gaza Móheiður Hlíf Geirlaugsdóttir skrifar Skoðun Ný fjármálaáætlun - tækifæri til að efna loforðin um bætt geðheilbrigði Sandra B. Franks skrifar Skoðun 10 ár og bull í lokin Jón Pétur Zimsen skrifar Skoðun Opið bréf til atvinnuvegaráðherra: 48 daga, nei takk Gísli Gunnar Marteinsson skrifar Skoðun Á nú að opinbera það að ég veit í rauninni ekki neitt? Kristín Hrefna Halldórsdóttir skrifar Skoðun Háskóli Höfuðborgarinnar, ekki Íslands Arent Orri Claessen,Gunnar Ásgrímsson skrifar Skoðun Hrynur sjávarútvegur? Stefán Ólafsson skrifar Skoðun Iftar, agape og Eid: Kristnir og múslimar við sama borð Hilal Kücükakin Kizilkaya,Sigurvin Lárus Jónsson skrifar Skoðun Bætt skipulag fyrir stúdenta Aðalsteinn Haukur Sverrisson ,Magnea Gná Jóhannsdóttir skrifar Sjá meira
Jæja krakkar - Guð almáttugur hefur talað! Hann virðist þó vera farinn að efast ögn um eigið almætti, þótt þjóðin muni líklega seint missa á hann trúna. Hann er jú Guð, bara ögn breyskari - næstum mennskur. Hann - einnig þekktur sem Kári Stefánsson - bendir enda nú á hluti sem margir kollegar hans víða um heim hafa vitað í nokkur ár og reynt með veikum mætti að koma til skila. Hins vegar gættu samfélags- og meginstraumsmiðlar þess að slíkar raddir heyrðust ekki og þegar þær sluppu í gegn þá voru þær stimplaðar sem raddir samsæriskenninga og falsfrétta. Tilskipanir um ritskoðun og þöggun vestra komu m.a.s. beint frá Hvíta húsinu, eins og Twitter skjölin sönnuðu, en miðlarnir hér heima tóku sennilega upp hjá sjálfum sér að vera þægir þegnar yfirvalda, lausir við óþægindin sem fylgir því að sinna hlutverki sínu. Er Kári s.s. kominn í hóp samsæriskenningasmiða, eða sleppur hann fyrir horn þar sem hann er aðeins vitur (afsakðið - vitrari) eftir á? Er Kári kannski, með þessu nýjasta útspili, búinn að gefa læknum, vísindafólki og fjölmiðlum leyfi til að tjá sig á annan máta en leyfst hefur hingað til? Ég meina, ef Kári getur viðurkennt mistök - án þess reyndar að gera það - þá hljóta minni spámenn að mega það líka, eða hvað? Nú segir hann að óþarfi hefði verið að bólusetja fólk undir fimmtugu. Ef frá eru talin börn fram að fimm ára aldri (sem - ótrúlegt en satt, ekki þótti nauðsynlegt að bólusetja), þá erum við að tala um u.þ.b. 250.000 Íslendinga, þ.e. u.þ.b. 65% landsmanna. M.ö.o. - af öllum þeim Íslendingum sem Kári vildi ólmur bólusetja, þá segir hann nú að 2/3 þeirra hefðu ekki þurft þessa bólusetningu. Ef þessi afgerandi meirihluti Íslendinga hefði haft tök á því að fara eftir ráðleggingum ritskoðaðra og ófrægðra kollega Kára um heim allan (eða getað þegið ráð Kára sjálfs núna), væru þeir þá allir drullusokkar, eins og hann kallaði óbólusetta á sínum tíma? „En ég varð ekki var við neitt offors þegar það kom að fólki sem hafði aðra skoðun,“ segir maðurinn sem lét hafa eftir sér í viðtölum að færa mætti „rök fyrir því að koma eigi þeirri skyldu á að þeir einstaklingar sem ekki vilja láta bólusetja sig verði skikkaðir í sóttkví að eilífu.“ - enda drullusokkar. Talandi um drullu - þegar búið er að drulla upp á bak, þá er ósköp eðlilegt að reynt sé að skýla sér á bak við fordæmalausa tíma og að við vissum ekki betur. Þetta höfum við séð trekk í trekk í mannkynssögunni. Kári segir: „Þegar þessi faraldur varð raunveruleiki fyrir okkur hér uppi á Íslandi í mars árið 2020 þá leit þetta út fyrir að vera fyrsti kafli í sögunni um útrýmingu mannkyns.“ Útrýmingu mannkyns? Sjitturinn! En Kári vissi auðvitað betur, enda reiknaði hans eigið teymi það m.a.s. út í sama mánuði að dánartíðnin væri aðeins 0,3% (þótt hún væri auðvitað mun minni í raun). Af hverju skyldi Kári nú vera að opna á umræðuna (þótt hann hefði auðvitað degi seinna reynt að draga í land)? Skyldi það kannski vera vegna þess að óumdeilanlegt er að Covid bóluefnin eru að valda gríðarlegu heilsutjóni um heim allan, að ekki sé minnst á gagnsleysi þeirra? Nýleg svissnesk rannsókn (af aragrúa vísindarannsókna) sýnir að 1 af hverjum 35 þátttakendum fengu einkenni hjartavöðvabólgu. Kári talar um verulega óalgengar aukaverkanir, en flestir læknar væru væntanlega sammála um að tæplega 3% líkur á mjög alvarlegri aukaverkun vegna lyfs séu allt annað en litlar. En eins og áður sagði þá var Kári snöggur að draga í land og segir að þrátt fyrir allt sem hann viti núna að hann myndi fara eins að ef sambærilegur faraldur myndi skella á. Ég spyr því alla sómakæra landsmenn hvernig þeir ætla að bregðast við næst þegar Kári, eða einhver annar með álíka kröftugt gjallarhorn og marga aðdáendur, ætlar að ráðskast með heilsu og hag þjóðarinnar – og það jafnvel með hatursorðræðu sem hvetur til útskúfunar minnihlutahóps? Ætlum við alltaf að bíða þangað til óhætt er að líta í baksýnisspegilinn? Höfundur er tónlistarmaður.
Forsjárhyggja Sjálfstæðis- og Framsóknarfólks í Hafnarfirði í garð fólks með fötlun Stefán Már Gunnlaugsson Skoðun
Skóli án aðgreiningar: Hentar ýktasta mynd skólastefnunnar öllum börnum? Jóna Sigríður Valbergsdóttir Skoðun
Skoðun Forsjárhyggja Sjálfstæðis- og Framsóknarfólks í Hafnarfirði í garð fólks með fötlun Stefán Már Gunnlaugsson skrifar
Skoðun Skóli án aðgreiningar: Hentar ýktasta mynd skólastefnunnar öllum börnum? Jóna Sigríður Valbergsdóttir skrifar
Skoðun Grænt ál frá Íslandi er mikilvægt fyrir sjálfstæða Evrópu Guðríður Eldey Arnardóttir skrifar
Skoðun Open Letter to new HÍ Rector re Disability Support Hópur starfsfólks og nemenda við HÍ skrifar
Skoðun Mál Ásthildar Lóu Þórsdóttur – Hvernig manneskjur viljum við vera? Hulda Steingrímsdóttir skrifar
Skoðun Ný fjármálaáætlun - tækifæri til að efna loforðin um bætt geðheilbrigði Sandra B. Franks skrifar
Skoðun Iftar, agape og Eid: Kristnir og múslimar við sama borð Hilal Kücükakin Kizilkaya,Sigurvin Lárus Jónsson skrifar
Forsjárhyggja Sjálfstæðis- og Framsóknarfólks í Hafnarfirði í garð fólks með fötlun Stefán Már Gunnlaugsson Skoðun
Skóli án aðgreiningar: Hentar ýktasta mynd skólastefnunnar öllum börnum? Jóna Sigríður Valbergsdóttir Skoðun