Stjórn­endur Love Is­land hafi meinað sér að tala

Breska götu­blaðið The Sun hefur eftir Mitch að hann hafi ólmur viljað tjá sig um erjur kepp­endanna Zachariah Noble og Kady McDer­mott. Þau skildu ekki sátt að borði frá þáttunum og hefur Kady verið dug­leg að tjá sig um málið í hlað­vörpum.

„Ég vildi tjá mig um þetta mál en þau vildu ekki leyfa mér það,“ segir Mitch sem betur er þekktur sem „messy Mitch“ eftir þættina, enda ó­hræddur við að koma sér í hin ýmsu klandur.

„Þannig að þau leyfðu bara Zac að tala við Kady, vegna þess að ég hefði hleypt af ein­hverjum skotum en þau vildu greini­lega hafa þetta allt á vin­gjarn­legum nótum, þannig að hér erum við í dag.“

Kady hefur eins og áður sagt verið dugleg að tjá sig að þáttunum loknum, meðal annars í hlaðvarpsþáttum. Mitch hefur sakað hana um að hafa átt kærasta þegar hún tók þátt í tíundu seríunni. Því hefur hún staðfastlega neitað.