Fótbolti

Fimmti sigurinn í röð hjá Messi og félögum

Siggeir Ævarsson skrifar
Messi hefur verið á skotskónum síðan hann kom til Bandaríkjanna
Messi hefur verið á skotskónum síðan hann kom til Bandaríkjanna Vísir/AP

Inter Miami vann sinn fimmta sigur í röð í gærkvöldi þegar liðið lagði Charlotte í bandaríska deildarbikarnum 4-0. Messi var á skotskónum að vanda.

Algjör viðsnúningur hefur orðið á gengi liðsins síðan að Messi bættist í hópinn en liðið hefur unnið alla leikina sem Messi hefur tekið þátt í. Sjálfur hefur Messi spilað afar vel, skorað átta mörk og lagt upp eitt.

Allir leikirnir fimm hafa verið í deildarbikarnum og MLS deildin verið í pásu á meðan. Inter er þar á botni deildarinnar en stuðningsmenn liðsins vonast væntanlega eftir að Messi færi þeim sömu gæfu í deildinni og hann  hefur gert í bikarnum.

Sigurinn í gær tryggði Inter í undanúrslit deildarbikarins.

Fótbolti Bandaríski fótboltinn

Mest lesið


Fleiri fréttir

Sjá meira


×

Mest lesið