Þrjú rauð í fyrsta leik Barcelona

Barcelona var með yfirburði úti á velli og var 75 prósent með boltann í leiknum en gekk illa að skapa teljandi færi og tókst ekki að skora, frekar en Getafe í leiknum.

Það hjálpaði eflaust ekki til að Raphinha fékk að líta beint rautt spjald skömmu fyrir leikhlé en Jaime Mata leikmaður Getafe fékk svo rautt snemma í síðari hálfleik og svo liðin léku tíu gegn tíu það sem eftir lifði leiks.

Barcelona var hins vegar án þjálfara síns Xavi Hernández síðustu tuttugu mínúturnar þar sem hann fékk einnig að líta rautt spjald á 70. mínútu.

Niðurstaðan svekkjandi fyrir gestina og þeir vonast eflaust eftir betri frammistöðu gegn Cadiz á Ólympíuleikvanginum í Barcelona næstu helgi.