Harry Kane gekk á dögunum til liðs við Bayern Munchen og lauk þar með einni lengstu félagaskiptasögu sumarsins. Hann var í leikmannahópnum gegn RB Leipzig í leik meistara meistaranna í Þýskalandi þar sem Bayern beið lægri hlut.
Thomas Tuchel knattspyrnustjóri Bayern efast þó alls ekki um hvaða áhrif Kane mun hafa á stjörnum prýtt lið félagsins.
„Harry Kane áhrifin munu ekki gufa upp. Áhrif hans eru á svo mörgum stigum að það er erfitt að gera sér grein fyrir því án þess að sjá það daglega.“
„Hann er mikilvægur í búningsklefanum og á vellinum vegna þess hvernig karakter hann er, hversu mikill fagmaður, hversu vel hann æfir og vegna þess að hann var fyrstur út á völl til að æfa með varaliðinu eftir tapið.“
Búist er við að Kane verði í byrjunarliði Byaern sem mætir Werder Bremen á útivelli í fyrsta deildarleiknum á föstudag.
„Hann eykur líkurnar á sigri gríðarlega. Við vitum að við munum ekki vinna hverng leik en hann mun gera leikmenn okkar betri. Ég er 100% sannfærður um það og allt sem ég sé staðfestir það.“
