Anton: Snertir sálina að sjá menn sem ég horfði upp til vilja sjá mann ná langt Óskar Ófeigur Jónsson skrifar 22. ágúst 2023 12:01 Anton Sveinn McKee með bakvarðarsveit sinni. Vísir Nýstofnuð bakvarðarsveit sundmannsins Antons Sveins McKee skorar á fyrrverandi íþróttafólk að stofna sveit fyrir sitt fólk. Það er stundum dýrt spaug að vera afreksíþróttamaður á Íslandi enda stuðningur oft mjög takmarkaður af hálfu ríkisins. Einn af þeim sem hefur staðið lengi í þeirri baráttu að vera afreksmaður í sinni grein er sundmaðurinn Anton Sveinn McKee. Anton varð í sumar fyrsti Íslendingurinn til að tryggja sér þátttökurétt á Ólympíuleikunum í París á næsta ári. Anton mun þar taka þátt í sínum fjórðu Ólympíuleikum og bætist þá í hóp þeirra fimm sem hafa keppt oftast fyrir Íslands hönd á Ólympíuleikum. Menn skelltu sér í laugina með Antoni og sýndu gamla takta.Vísir Anton varð meðal annars í 31. sæti í 400 metra fjórsundi á ÓL í London 2012, í 18. sæti í 200 metra baksundi á ÓL í Ríó 2016 og í 24. sæti á ÓL í Tókýó 2021. Anton vann sér þátttökurétt á leikunum á næsta ári með því að synda á 2:09,19 mínútum í undanúrslitunum 200 metra bringusundsins á HM í 50 metra laug í Furoka í Japan. Hittust og rifjuðu upp gamla takta Bakvarðarsveit til stuðnings Antons McKee á undirbúningi sínum fyrir Ólympíuleikana í París, sem fara fram í ágúst á næsta ári, var nýverið stofnuð af fyrrverandi landsliðsmönnum í sundi. Markmiðið með stuðningnum frá bakvarðarsveitinni er til að stuðla að því að Anton geti með meiri krafti einbeitt sér að æfingum í aðdraganda Ólympíuleika án þess að þurfa að hafa áhyggjur af peningamálum. Vísir Til að koma verkefninu af stað, þá hittust stór hluti hópsins í Ásvallalaug og rifjaði upp gamla takta. Ekki virtist skipta máli þótt sumir hefðu ekki synt í nokkur ár og voru allir komnir á fullt flug eftir nokkrar ferðir. Að sögn Antons þá er þessi meðbyr frá fyrrverandi sundkempum ómetanlegur. „Þessi stuðningur skiptir mig gífurlegu máli. Ekki bara að ég geti einbeitt mér og helgað mig enn betur að undirbúningnum fyrir ÓL, þá snertir það líka sálina að sjá alla þá sem ruddu slóðina fyrir mér koma saman og styðja við bakið á mér. Menn sem ég horfði upp til þegar ég var ungur og vilja sjá mann ná langt,“ sagði Anton Sveinn McKee. Bakvarðarsveitin í sundinu skorar líka á fyrrverandi íþróttafólk í öðrum íþróttum að slá til og stofna sveit fyrir sitt fólk en það væri vissulega athyglisvert að sjá okkar besta íþróttafólk eignast svona flott bakland. Fær skotsilfur fram að Ólympíuleikum Anton verður vonandi ekki eini Íslendingurinn á þessum Ólympíuleikum en næstu mánuðir munu ráða því hversu margir bætast í hópinn. „Hugmyndin fæddist bara í síðustu viku. Þar sem Anton var nýbúinn að ná Ólympíulágmarki og er sá eini sem er búinn að ná lágmarki á þessum tímapunkti þá vorum við stoltir og ánægðir sundmenn með að þetta gengi eftir hjá honum,“ sagði Arnar Freyr Ólafsson sem fór fyrir hópnum. „Við komum saman og ákváðum að halda eina sundæfingu honum til styrktar. Við kölluðum okkur bara bakvarðarsveitina og viljum bara sjá til þess að hann hafi eitthvað skotsilfur fram að Ólympíuleikum í mánaðarlegum greiðslum,“ sagði Arnar Freyr. Anton mjög þakklátur Anton tók þessum stuðningi með opnum örmum og er mjög þakklátur. Anton Sveinn McKee með Guðmundi Harðarsyni, fyrrverandi landsliðsþjálfara í sundi.Vísir „Þetta er í fyrsta lagi ótrúleg upplifun að fá að taka æfingar með mínum gömlu fyrirmyndum. Það er skemmtilegt að vera með fólkinu sem ruddi leiðina fyrir mig. Maður stendur á herðum þeirra með það sem maður er að gera í dag í sundinu,“ sagði Anton Sveinn McKee. „Að finna fyrir þessum meðbyr sem kemur í gegnum stuðninginn frá þeim er ólýsanlegt og mun skipta miklu máli í undirbúningnum fyrir Ólympíuleikana,“ sagði Anton. Fyrrverandi landsliðsmenn, með fyrrverandi landsliðsþjálfara „Það sem þetta snerist svolítið um í dag var að fyrrverandi landsliðsmenn, með fyrrverandi landsliðsþjálfara Guðmundi Harðarsyni, kæmu saman og syntu saman eina létta æfingu. Hún varla flokkast sem upphitun í samanburði við það sem áður var. Þetta voru fjögur hundruð metrar og það er ekki einu sinni fyrsta sett í venjulegri sundæfingu,“ sagði Arnar léttur. „Við komum saman gamlir landsliðsmenn, syntum saman, spjölluðum og mældum okkur hver við annan. Það skemmtilega við þetta er að við erum allir á mismunandi aldri en þokkalegir í holdum samt. Það er enginn sem hefur látið matarlystina ná yfirtökunum. Við skemmtum okkur vel og styðjum við bakið á okkar besta manni,“ sagði Arnar Freyr Ólafsson. Sund Ólympíuleikar 2024 í París Mest lesið „Ég bað um að taka fimmta vítið“ Sport „Mér finnst ég nógu góður til þess að spila í þessari deild“ Sport Uppgjörið, viðtöl og myndir: Víkingur - Stjarnan 1-1 (5-4) | Víkingar í úrslit enn á ný Íslenski boltinn Enskir dómarar á stórleikjum föstudagsins Fótbolti Lakers ræður reynslubolta með Reddick Körfubolti Ratcliffe lætur 250 starfsmenn Man United fara Enski boltinn Íslendingar mættu stundum hugsa sinn gang Handbolti Evrópumeistarinn Bronze á leið til Chelsea Enski boltinn „Þurfum bara að dekka í svona leikatriðum“ Íslenski boltinn Víkingar geta náð því sem enginn hefur gert í sextíu ár Íslenski boltinn Fleiri fréttir Dagskráin í dag: Sumarmótin og golf Lakers ræður reynslubolta með Reddick „Mér finnst ég nógu góður til þess að spila í þessari deild“ „Ég bað um að taka fimmta vítið“ Uppgjörið, viðtöl og myndir: Víkingur - Stjarnan 1-1 (5-4) | Víkingar í úrslit enn á ný Enskir dómarar á stórleikjum föstudagsins „Þurfum bara að dekka í svona leikatriðum“ Uppgjörið: Valur - Þróttur 1-0 | Dramatískur sigur Íslandsmeistaranna Uppgjörið: Þór/KA - FH 0-1 | Ída Marín tryggði sigur gestanna Evrópumeistarinn Bronze á leið til Chelsea Ratcliffe lætur 250 starfsmenn Man United fara Palhinha á leið til Bayern á metfé Arsenal með augastað á Calafiori Segir að varnarmenn geri í buxurnar þegar Gakpo fer á ferðina Marta fer til Parísar en hættir landsliðsstörfum eftir sjöttu Ólympíuleikana Norðmenn með sinn stærsta Ólympíuhóp í meira en hálfa öld Arnar og Andrea Íslandsmeistarar í 10 km götuhlaupi Víkingar geta náð því sem enginn hefur gert í sextíu ár Rangnick drepleiddist yfir öðrum leikjum á EM: „Ég átti erfitt með að halda mér vakandi“ Gefur aðeins grænt ljós á viðræður við Manchester United LeBron James samdi við Lakers og spilar við hlið sonarins Höttur fær annan Dana til sín: „Vona að þið séuð ekki komin með ógeð af dönskum leikmönnum“ „Við gáfum Bronny ekkert, hann vann fyrir þessu“ Sjáðu markið sem skilaði Stjörnunni fyrsta sigrinum í fimm leikjum Simone Biles hoppaði upp í 3,6 metra hæð „Ég kæmi ekki inn í þetta lið nema með það hugarfar að vinna báða titlana“ Óskar Hrafn ráðinn yfirmaður knattspyrnumála hjá KR Fylgdust með hjartslætti Ronaldo í leiknum á móti Slóveníu Íslendingar mættu stundum hugsa sinn gang Pabbinn svekktur eftir að Klay valdi Mavericks yfir Lakers Sjá meira
Það er stundum dýrt spaug að vera afreksíþróttamaður á Íslandi enda stuðningur oft mjög takmarkaður af hálfu ríkisins. Einn af þeim sem hefur staðið lengi í þeirri baráttu að vera afreksmaður í sinni grein er sundmaðurinn Anton Sveinn McKee. Anton varð í sumar fyrsti Íslendingurinn til að tryggja sér þátttökurétt á Ólympíuleikunum í París á næsta ári. Anton mun þar taka þátt í sínum fjórðu Ólympíuleikum og bætist þá í hóp þeirra fimm sem hafa keppt oftast fyrir Íslands hönd á Ólympíuleikum. Menn skelltu sér í laugina með Antoni og sýndu gamla takta.Vísir Anton varð meðal annars í 31. sæti í 400 metra fjórsundi á ÓL í London 2012, í 18. sæti í 200 metra baksundi á ÓL í Ríó 2016 og í 24. sæti á ÓL í Tókýó 2021. Anton vann sér þátttökurétt á leikunum á næsta ári með því að synda á 2:09,19 mínútum í undanúrslitunum 200 metra bringusundsins á HM í 50 metra laug í Furoka í Japan. Hittust og rifjuðu upp gamla takta Bakvarðarsveit til stuðnings Antons McKee á undirbúningi sínum fyrir Ólympíuleikana í París, sem fara fram í ágúst á næsta ári, var nýverið stofnuð af fyrrverandi landsliðsmönnum í sundi. Markmiðið með stuðningnum frá bakvarðarsveitinni er til að stuðla að því að Anton geti með meiri krafti einbeitt sér að æfingum í aðdraganda Ólympíuleika án þess að þurfa að hafa áhyggjur af peningamálum. Vísir Til að koma verkefninu af stað, þá hittust stór hluti hópsins í Ásvallalaug og rifjaði upp gamla takta. Ekki virtist skipta máli þótt sumir hefðu ekki synt í nokkur ár og voru allir komnir á fullt flug eftir nokkrar ferðir. Að sögn Antons þá er þessi meðbyr frá fyrrverandi sundkempum ómetanlegur. „Þessi stuðningur skiptir mig gífurlegu máli. Ekki bara að ég geti einbeitt mér og helgað mig enn betur að undirbúningnum fyrir ÓL, þá snertir það líka sálina að sjá alla þá sem ruddu slóðina fyrir mér koma saman og styðja við bakið á mér. Menn sem ég horfði upp til þegar ég var ungur og vilja sjá mann ná langt,“ sagði Anton Sveinn McKee. Bakvarðarsveitin í sundinu skorar líka á fyrrverandi íþróttafólk í öðrum íþróttum að slá til og stofna sveit fyrir sitt fólk en það væri vissulega athyglisvert að sjá okkar besta íþróttafólk eignast svona flott bakland. Fær skotsilfur fram að Ólympíuleikum Anton verður vonandi ekki eini Íslendingurinn á þessum Ólympíuleikum en næstu mánuðir munu ráða því hversu margir bætast í hópinn. „Hugmyndin fæddist bara í síðustu viku. Þar sem Anton var nýbúinn að ná Ólympíulágmarki og er sá eini sem er búinn að ná lágmarki á þessum tímapunkti þá vorum við stoltir og ánægðir sundmenn með að þetta gengi eftir hjá honum,“ sagði Arnar Freyr Ólafsson sem fór fyrir hópnum. „Við komum saman og ákváðum að halda eina sundæfingu honum til styrktar. Við kölluðum okkur bara bakvarðarsveitina og viljum bara sjá til þess að hann hafi eitthvað skotsilfur fram að Ólympíuleikum í mánaðarlegum greiðslum,“ sagði Arnar Freyr. Anton mjög þakklátur Anton tók þessum stuðningi með opnum örmum og er mjög þakklátur. Anton Sveinn McKee með Guðmundi Harðarsyni, fyrrverandi landsliðsþjálfara í sundi.Vísir „Þetta er í fyrsta lagi ótrúleg upplifun að fá að taka æfingar með mínum gömlu fyrirmyndum. Það er skemmtilegt að vera með fólkinu sem ruddi leiðina fyrir mig. Maður stendur á herðum þeirra með það sem maður er að gera í dag í sundinu,“ sagði Anton Sveinn McKee. „Að finna fyrir þessum meðbyr sem kemur í gegnum stuðninginn frá þeim er ólýsanlegt og mun skipta miklu máli í undirbúningnum fyrir Ólympíuleikana,“ sagði Anton. Fyrrverandi landsliðsmenn, með fyrrverandi landsliðsþjálfara „Það sem þetta snerist svolítið um í dag var að fyrrverandi landsliðsmenn, með fyrrverandi landsliðsþjálfara Guðmundi Harðarsyni, kæmu saman og syntu saman eina létta æfingu. Hún varla flokkast sem upphitun í samanburði við það sem áður var. Þetta voru fjögur hundruð metrar og það er ekki einu sinni fyrsta sett í venjulegri sundæfingu,“ sagði Arnar léttur. „Við komum saman gamlir landsliðsmenn, syntum saman, spjölluðum og mældum okkur hver við annan. Það skemmtilega við þetta er að við erum allir á mismunandi aldri en þokkalegir í holdum samt. Það er enginn sem hefur látið matarlystina ná yfirtökunum. Við skemmtum okkur vel og styðjum við bakið á okkar besta manni,“ sagði Arnar Freyr Ólafsson.
Sund Ólympíuleikar 2024 í París Mest lesið „Ég bað um að taka fimmta vítið“ Sport „Mér finnst ég nógu góður til þess að spila í þessari deild“ Sport Uppgjörið, viðtöl og myndir: Víkingur - Stjarnan 1-1 (5-4) | Víkingar í úrslit enn á ný Íslenski boltinn Enskir dómarar á stórleikjum föstudagsins Fótbolti Lakers ræður reynslubolta með Reddick Körfubolti Ratcliffe lætur 250 starfsmenn Man United fara Enski boltinn Íslendingar mættu stundum hugsa sinn gang Handbolti Evrópumeistarinn Bronze á leið til Chelsea Enski boltinn „Þurfum bara að dekka í svona leikatriðum“ Íslenski boltinn Víkingar geta náð því sem enginn hefur gert í sextíu ár Íslenski boltinn Fleiri fréttir Dagskráin í dag: Sumarmótin og golf Lakers ræður reynslubolta með Reddick „Mér finnst ég nógu góður til þess að spila í þessari deild“ „Ég bað um að taka fimmta vítið“ Uppgjörið, viðtöl og myndir: Víkingur - Stjarnan 1-1 (5-4) | Víkingar í úrslit enn á ný Enskir dómarar á stórleikjum föstudagsins „Þurfum bara að dekka í svona leikatriðum“ Uppgjörið: Valur - Þróttur 1-0 | Dramatískur sigur Íslandsmeistaranna Uppgjörið: Þór/KA - FH 0-1 | Ída Marín tryggði sigur gestanna Evrópumeistarinn Bronze á leið til Chelsea Ratcliffe lætur 250 starfsmenn Man United fara Palhinha á leið til Bayern á metfé Arsenal með augastað á Calafiori Segir að varnarmenn geri í buxurnar þegar Gakpo fer á ferðina Marta fer til Parísar en hættir landsliðsstörfum eftir sjöttu Ólympíuleikana Norðmenn með sinn stærsta Ólympíuhóp í meira en hálfa öld Arnar og Andrea Íslandsmeistarar í 10 km götuhlaupi Víkingar geta náð því sem enginn hefur gert í sextíu ár Rangnick drepleiddist yfir öðrum leikjum á EM: „Ég átti erfitt með að halda mér vakandi“ Gefur aðeins grænt ljós á viðræður við Manchester United LeBron James samdi við Lakers og spilar við hlið sonarins Höttur fær annan Dana til sín: „Vona að þið séuð ekki komin með ógeð af dönskum leikmönnum“ „Við gáfum Bronny ekkert, hann vann fyrir þessu“ Sjáðu markið sem skilaði Stjörnunni fyrsta sigrinum í fimm leikjum Simone Biles hoppaði upp í 3,6 metra hæð „Ég kæmi ekki inn í þetta lið nema með það hugarfar að vinna báða titlana“ Óskar Hrafn ráðinn yfirmaður knattspyrnumála hjá KR Fylgdust með hjartslætti Ronaldo í leiknum á móti Slóveníu Íslendingar mættu stundum hugsa sinn gang Pabbinn svekktur eftir að Klay valdi Mavericks yfir Lakers Sjá meira
Uppgjörið, viðtöl og myndir: Víkingur - Stjarnan 1-1 (5-4) | Víkingar í úrslit enn á ný Íslenski boltinn
Uppgjörið, viðtöl og myndir: Víkingur - Stjarnan 1-1 (5-4) | Víkingar í úrslit enn á ný Íslenski boltinn