Fótbolti

Rubiales ætlar ekki að segja af sér: „Þeir eru að reyna að drepa mig“

Ingvi Þór Sæmundsson skrifar
Luis Rubiales hefur verið í kastljósinu eftir úrslitaleik HM í fótbolta kvenna.
Luis Rubiales hefur verið í kastljósinu eftir úrslitaleik HM í fótbolta kvenna. getty/Oscar J. Barroso

Luis Rubiales harðneitar að segja af sér sem forseti spænska knattspyrnusambandsins. Hann hefur verið harðlega gagnrýndur eftir að hann kyssti Jennifer Hermoso á munninn eftir að Spánn varð heimsmeistari í fótbolta kvenna í fyrsta sinn.

Í gær bárust fréttir af því að Rubiales myndi segja af sér sem forseti spænska knattspyrnusambandsins á fundi í dag.

Það fór ekki svo. Rubiales kom í pontu á fundinum og hrópaði fjórum sinnum að hann myndi ekki segja af sér. Forsetinn sagði svo gagnrýnendum sínum til syndanna og gerði lítið úr kossinum fræga.

„Þetta var bara smá koss. Það var engin þrá eða drottnun þarna, þetta var eins og ég væri að kyssa dóttur mína. Þetta gerðist í hita augnabliksins og báðir aðilar voru samþykkir. Ég á í frábæru sambandi við alla leikmennina og við eigum innileg augnablik,“ sagði Rubiales og lýsti því næst atvikinu þegar hann rak Hermoso rembingskossinn alræmda.

„Jenni reisti mig við. Við féllumst í faðma og ég sagði henni að gleyma vítaspyrnunni sem hún klikkaði á og sagði að hún hefði átt frábært mót. Ég spurði hvort ég mætti aðeins kyssa hana og hún sagði já. Þetta er samfélagslegt morð. Þeir eru að reyna að drepa mig. Við Spánverjar verðum að skoða hvert við erum að fara. Falsfemínismi leitar hvorki að réttlæti eða sannleikanum. Honum er sama um fólk.“

Rubiales hefur gegnt embætti forseta spænska knattspyrnusambandsins síðan 2018.

Hegðun forseta spænska knattspyrnusambandsins Spænski boltinn HM 2023 í Ástralíu og Nýja-Sjálandi

Tengdar fréttir

Rapinoe segir koss Rubiales vera líkamsárás

Megan Rapinoe hefur gagnrýnt forseta spænska knattspyrnusambandsins harðlega og segir að hann hafi gerst sekur um líkamsárás þegar hann kyssti Jennifer Hermoso á munninn.

Krísufundur boðaður hjá spænska fótboltasambandinu

Ef allt væri eðlilegt þá ættu forráðamenn spænska knattspyrnusambandsins að vera að fagna og monta sig af heimsmeistaratitli kvennalandsliðsins næstu daga. Í staðinn glíma þeir við risastórt vandamál.

Greip um klofið á sér í leikslok og kyssti fleiri leikmenn

Forseti spænska knattspyrnusambandsins hneykslaði marga með framkomu sinni á úrslitaleik HM kvenna og nú hefur komið í ljós að hann gerð mun meira en bara að smella rembingskossi á einn leikmenn spænska liðsins á verðlaunapallinum.

Tjáir sig á ný um rembings­kossinn heims­­fræga

Jenni­fer Her­mos­o, leik­maður spænska lands­liðsins í fótbolta, segir að rembings­koss sem hún fékk á munninn frá for­seta spænska knatt­spyrnu­sam­bandsins hafi að­eins verið hans leið til að sýna ást­úð sína í kjöl­far þess að Spán­verjar tryggðu sér heims­meistara­titil kvenna í fót­bolta. Hún gerir lítið úr at­vikinu í yfir­lýsingu sem barst AFP frétta­veitunni.

Mest lesið


Fleiri fréttir

Sjá meira


×

Mest lesið