FH-ingar rændir jöfnunar­marki á heima­velli: „Ég þoli ekki svona“

„Ég þoli ekki svona. Hafið vit á að dæma hlutina rétt. Ekki taka þetta af leik­mönnum og liðinu. FH átti svo sannar­lega skilið eitt­hvað út úr þessum leik og ég ætla ekki að hlusta á neinn sem segir að FH hafi verið lakara liðið í þessum leik,“ sagði Guðni Ei­ríks­son, þjálfari FH, í við­tali eftir leik en hann hafði heyrt að mark FH hefði klár­lega átt að standa.

Eftir að hafa fengið á sig tvö klaufa­leg mörk í fyrri hálf­leik kom FH til baka og var ansi ná­lægt því að næla í stig gegn Þrótti sem hefur byrjað úr­slita­keppnina á tveimur sigrum í röð.

Í upp­bótar­tíma kom Sunn­eva Hrönn Sigur­vins­dóttir boltanum í netið fyrir FH en rang­staða var dæmd og markið fékk ekki að standa. Dæmi nú hver fyrir sig en mynd­band af at­vikinu má sjá hér fyrir neðan:

Það var á 37. mínútu þegar Katla Tryggva­dóttir, leik­maður Þróttar R., lét vaða langt fyrir utan teig og boltinn fór í stöngina í bakið á Al­dísi Guð­laugs­dóttur, mark­manni FH, og í markið.

Þremur mínútum seinna skoruðu gestirnir annað mark. Katla átti of fasta sendingu sem Al­­dís komst inn í en missti síðan boltann úr höndunum og beint á Freyju Katrínu Þor­varðar­dóttur sem skoraði í autt markið. Á 48. mínútu átti Harpa Helga­dóttir sendingu fyrir markið sem Alma Mathiesen stangaði í markið.

Shaina Fai­ena Ashouri skoraði síðan annað mark FH á 88. mínútu. Í upp­bótar­tíma jafnaði Sunn­eva Hrönn Sigur­vins­dóttir en flaggið fór á loft og rang­staða dæmd. Loka­tölur á Kapla­krika­velli 3-2 sigur Þróttar R.

Þróttur R. kemst með sigrinum upp í 3. sæti deildarinnar þar sem liðið situr með 34 stig, jafnmörg stig og Breiðablik í 2. sæti. FH er hins vegar í 5. sæti með 28 stig og nú tvö töp í röð í úrslitakeppninni. 

Mörkin úr leik FH og Þróttar R. má sjá hér fyrir neðan: