Fótbolti

Ísak lagði upp tvö er Düsseldorf skaust á toppinn

Hjörtur Leó Guðjónsson skrifar
Ísak Bergmann Jóhannesson lagði upp fyrra mark Fortuna Düsseldorf í dag.
Ísak Bergmann Jóhannesson lagði upp fyrra mark Fortuna Düsseldorf í dag. Gregor Fischer/picture alliance via Getty Images

Ísak Bergmann Jóhannesson lagði upp fyrsta og þriðja mark Fortuna Düsseldorf er liðið vann sterkan 3-1 útisigur gegn Hansa Rostock í þýsku B-deildinni í knattspyrnu í dag.

Ísak lagði upp fyrsta mark leiksins fyrir Christos Tzolis á 17. mínútu leiksins, áður en gestirnir tvöfölduðu forystuna rúmum tíu mínútum fyrir lok fyrri hálfleiks.

Heimamenn minnkuðu þó muninn á lokamínútu hálfleiksins og staðan var því 2-1, Fortuna Düsseldorf í vil, þegar liðin gengu til búningsherbergja.

Gestirnir bættu svo þriðja markinu við seint í síðari hálfleik eftir undirbúning Ísaks og niðurstaðan varð því 3-1 sigur gestanna frá Düsseldorf.

Með sigrinum lyftu Ísak og félagar sér á topp þýsku B-deildarinnar með 13 stig eftir sex leiki, fjórum stigum meira en Hansa Rostock sem situr í sjötta sæti.

Þýski boltinn

Mest lesið


Fleiri fréttir

Sjá meira


×

Mest lesið