Þetta segir í tilkynningu á umferðarvef Vegagerðarinnar. Fjöldi bíla hefur fest á Suðurlandi vegna mikillar vetrarfærðar í morgun.
Fjölda vega lokað
Vetrarfærð er víða um land og fjölda vega hefur verið lokað. Þannig hefur vegum um Hellisheiði eystri, Öxi og Hafnarfjall og Dettifossvegi verið lokað.
Þá er útlit fyrir að veginum frá Kirkjubæjarklaustri að Jökulsárlóni verði lokað í dag frá morgni og fram eftir degi. Stærri bílar ættu ekki að vera á ferðinni vegna vinds á þessu svæði.
