Sam­herji borgar ekki laun starfs­fólks í kvenna­verk­falli

Heimildin greindi fyrst frá en Karl Eskil Páls­son, upp­lýsinga­full­trúi Sam­herja, stað­festir þetta í sam­tali við Vísi. Hann segir að Sam­herji hafi skuld­bindingum að gegna sem mat­væla­fyrir­tæki. Miklu máli skipti að af­henda vörur á réttum tíma og því geti fyrir­tækið því miður ekki komið til móts við starfs­fólk.

Áður hefur komið fram að skipu­leggj­endur verk­fallsins hafi í hyggju að birta tossa­lista yfir at­vinnu­rek­endur sem hamli þátt­töku kvenna og kvára í kvenna­verk­fallinu. Þá hafa fyrir­tæki líkt og Sam­kaup og Coca Cola á Ís­landi sent frá sér yfir­lýsingu til fjöl­miðla þar sem fyrir­tækin lýsa því yfir að þau muni ekki skerða laun starfs­fólks síns í verk­falli.

Verði að standa við skuld­bindingar

Karl Eskil segir að stórir á­hrifa­þættir hafi orðið til þess að for­svars­menn Sam­herja hafi orðið að taka þessa á­kvörðun. Fyrir­tækið hefur meðal annars sent starfs­fólki dreifi­bréf vegna verk­fallsins.

Heimildin birtir dreifi­bréfið en þar eru konur fyrir­tækisins sem vilja leggja niður störf hvattar til að láta yfir­mann sinn vita. Ekki verði greidd laun vegna fjar­veru þennan dag. Karl segir tvær breytur ráða mestu um á­kvörðun fyrir­tækisins.

„Þetta er harður markaður, því miður. Við höfum gert samninga langt fram í tímann um að af­henda vörur á til­teknum tíma og við verðum að standa við þær skuld­bindingar. Það er ein breytan, síðan er það vinnslan. Ef hún stöðvast í einn dag þá hefur það á­hrif til dæmis á togara­flotann og stýringuna á honum.“

Geti mætt á útifund á launum

Í dreifi­bréfi Sam­herja til starfs­manna kemur auk þess fram að hafi konur á­huga á að fara á skipu­lagða dag­skrá þennan dag, séu þær beðnar um að gera það í sam­ráði við sinn yfir­mann. Sá tími verði ekki dreginn af launum.

„Það er úti­fundur á Akur­eyri á milli 11 til 11:45 ef ég man þetta rétt. Þeir starfs­menn sem vilja mæta þangað geta gert það og það verður ekki dregið af launum,“ segir Karl. Hann segist ekki hafa það á hreinu hve hátt hlut­fall kvenna og kvára vinni hjá Sam­herja.

„En það er hátt hlut­fall í land­vinnslunni. Ef vinnsla stöðvast í einn dag myndi það hafa mikil á­hrif á togara­flotann og flutninga, bara svo ég nefni dæmi. Við erum með okkar samninga við flutninga­fyrir­tæki til dæmis, og löngu búið að panta pláss um borð í flutnga­skipum eða í frakt­vélum.“