Ísak Snær kom Rosen­borg á bragðið þegar liðið vann loks leik

Ísak Snær hóf leik sem fremsti maður og það tók hann aðeins 12 mínútur að setja mark sitt á leikinn þegar hann skoraði eftir undirbúning Jayden Nelson. Sá síðarnefndi hafði átt góðan sprett upp vinstri vænginn, Ísak Snær fékk boltann á ferðinni, tók góða snertingu og kláraði færið sitt frábærlega. Var þetta annað mark Ísaks í norsku deildinni.

Aðeins tveimur mínútum síðar hafði Nelson tvöfaldað forystuna fyrir gestina sem vissu vart hvað var í gangi enda ekki unnið leik heillengi.

Andrej Ilić minnkaði muninn fyrir heimamenn áður en fyrri hálfleik lauk, staðan 2-1 í hléinu. Heimamenn fengu vítaspyrnu í upphafi fyrri hálfleiks og gátu því jafnað metin en spyrna Stefan Strandberg fór forgörðum og Rosenborg enn í forystu.

Ole Sæter, sem hafði komið inn á fyrir Ísak Snæ, gerði svo út um leikinn með þriðja marki gestanna á 76. mínútu. Lokatölur leiksins 1-3 og Rosenborg nú með 33 stig í 10. sæti eftir 26 leiki. Vålerenga er með 24 stig og í bullandi fallbaráttu.

Samantekt úr leiknum má finna á Youtube-síðu TV 2 Sport.