Mögu­lega á leið úr Mos­fells­bæ til Porto

Það er Arnar Daði Arnarson, umsjónarmaður Handkastsins, sem greinir frá þessu á Twitter-síðu sinni. Þar kemur fram að stórskyttan úr Mosfellsbæ hafi nú þegar farið út til Portúgals að skoða aðstæður.

Porto hefur undanfarin ár unnið hvern meistaratitilinn á fætur öðrum sem og liðið leikur reglulega í Meistaradeild Evrópu.

Afturelding er sem stendur í 3. sæti Olís-deildarinnar og er Þorsteinn Leó markahæsti leikmaður liðsins með 58 mörk í 8 leikjum.

Fari svo að hann flytji búferlum til Portúgals þá yrði hann þriðji Íslendingurinn til að leika þar í landi en Orri Freyr Þorkelsson leikur með toppliði Sporting Lissabon á meðan Stiven Tobar Valencia leikur með Benfica.