Albert hefur verið besti leikmaður Genoa á yfirstandandi tímabili. Skorað sjö mörk í þrettán leikjum og gefið eina stoðsendingu.
Frammistaða hans á tímabilinu hefur vakið áhuga stærri liða á honum og var Strootman spurður út í Albert í viðtali í La Gazetta dello Sport á dögunum.
„Ef hann heldur áfram að spila svona þá mun hann ekki vera lengi á mála hjá Genoa,“ sagði Strootman aðspurður um frammistöðu Alberts á yfirstandandi tímabili.
Pressan sé orðin mikil á herðum Albert og segir Strootman að Genoa megi eki búast við því að hann skori í öllum leikjum og líkir stöðu Alberts við þá sem hann kynntist í tengslum við Mohamed Salah, nú leikmann Liverpool, þegar að þeir léku saman hjá Roma.
„Við verðum að lifa með því ef honum tekst ekki að skora í öllum leikjum. Ég upplifði svipaða stöðu gagnvart Mohamed Salah þegar að við spiluðum saman hjá Roma á sínum tíma. Hann fékk alltaf fjögur til fimm færi í leik. Stundum skoraði hann mark úr þeim færum, stundum ekki.
Alltaf spurðum við okkur af hverju hann hefði ekki skorað. Þá sagði einhver á móti að að væri kannski gott að hann væri ekki að því. Ef það væri staðan þá væri hann á leiðinni til liða á borð við Real Madrid eða Liverpool.“
Albert hefur verið magnaður á tímabilinu.
„Við treystum á hann. Hann nær alltaf að skapa eitthvað fyrir okkur. Hann hefur gæðin og hefur rétta hugarfarið. Gerir hlutina af léttuð en ég get fullvissað ykkur um að hann er mjög mikill fagmaður þegar kemur að þessu. öllu.“
