Á toppnum og með mun fleiri mörk en bæði Real Madrid og Barcelona Óskar Ófeigur Jónsson skrifar 11. nóvember 2023 10:01 Aleix Garcia fagnar einu af mörkum Girona á þessu tímabili en það hefur verið nóg af þeim. Getty/ Juan Manuel Serrano Stærsta fótboltaævintýrið á Spáni þessa dagana er án efa það sem er í fullum gangi hjá Katalóníufélaginu Girona. Litla liðið í Katalóníu hefur gert magnaða hluti á leiktíðinni og er nú með tveggja stiga forskot í efsta sæti deildarinnar eftir tólf leiki. Það er vissulega smá þema í evrópsku deildunum að óvænt lið hafa verið á toppnum eins og Tottenham í Englandi, Bayer Leverkusen í Þýskalandi og Nice í Frakklandi. Allt lið sem hafa mikla hefð og sögu en hafa beðið lengi eftir titli. Það eru 52 ár síðan Tottenham varð meistari, 64 ár síðan að Nice vann titilinn og Leverkusen hefur aldrei orðið þýskur meistari. The leader of the first division! pic.twitter.com/8CxJwOKK7s— Girona FC (@GironaFC_Engl) November 8, 2023 Fjórtán þúsund manna völlur Það er samt erfitt að setja Girona í sama flokk og þessi sögufrægu fótboltafélög sem eru öll frá stórum borgum. Girona er sannkallað smálið með aðeins fjórtán þúsund manna völl og 55 milljón evra fjárhagsáætlun sem þykja smáaurar í þessum fótboltaheimi. Félagið er líka nýkomið upp í deild þeirra bestu á Spáni eftir að hafa verið lengstum í B-, C- og jafnvel D-deildinni á Spáni. Liðið var í D-deildinni fyrir aðeins sextán árum síðan. Nú er öldin önnur í norður Katalóníu. Girona menn hafa unnið tíu af tólf leikjum í deildinni á þessu tímabili og eina tapið kom á móti Real Madrid (0-3) í lok september. Eftir jafntefli í fyrstu umferð þá hefur Girona unnið tíu af síðustu ellefu leikjum sínum. Vann bara þrjá fleiri leiki allt síðasta tímabil Allt síðasta tímabil vann Girona aðeins þremur leikjum meira eða þrettán af 38 leikjum sínum. Einn af þeim var 4-2 sigur á Real Madrid í aprílmánuði. Hinn 48 ára gamli Míchel tók við Girona liðinu árið 2021 en hann er leikahæsti leikmaður í sögu Rayo Vallecano með 313 leiki frá 1993 til 2012 með smá hléi á milli 2003 og 2006. View this post on Instagram A post shared by ESPN FC (@espnfc) Tók við liðinu í B-deildinni Girona var í b-deildinni þegar hann tók við og hann kom því upp í gegnum úrslitakeppnina á fyrsta ári. Liðið náði síðan tíunda sætinu á fyrsta tímabilinu í A-deildinni í fyrra og er núna á toppnum. Á öllum tímabilum hans hefur því liðið tekið stórt stökk. Það er ekki bara árangurinn sem hefur vakið athygli á Girona liðinu heldur ekki síst spilamennskan. Það er óhætt að segja að það sé skemmtilegt að horfa á leiki Girona, sannkölluð rússíbanareið. Spila alvöru sóknarbolta Þetta er lið sem tekur mikla áhættu í sínum leik og spilar alvöru sóknarbolta. Það hefur líka skilað liðinu miklu fleiri mörkum en stórlið Real Madrid og Barcelona. Girona hefur skorað 29 mörk í 12 leikjum eða sex fleiri en Real Madrid og fimm fleiri en Barcelona. Counterattack made in Girona.#OsasunaGirona | #LaLigaHighlights | @LaLigaEN pic.twitter.com/IsntLhX12Z— Girona FC (@GironaFC_Engl) November 7, 2023 Liðið er líka að fá sig mörg en það hafa verið skorað samtals 44 mörk í leikjum liðsins í vetur. Sem sagt, eintóm skemmtun. Markahæsti leikmaður liðsins á þessari leiktíð er Úkraínumaðurinn Artem Dovbyk með sex mörk á sínu fyrsta tímabili með félaginu en hann hefur einnig gefið fjórar stoðsendingar. Það verður auðvitað erfitt fyrir Girona liðið að halda út í kapphlaupinu á löngu tímabili við lið eins og Real Madrid, Barcelona, Atletico Madrid eða Real Sociedad. Það væri hins vegar mikið afrek takist þessum litla klúbbi að tryggja sér sæti í Meistaradeildinni. Gæti komið upp vandamál Komist liðið í Meistaradeildina kemur reyndar upp eitt vandamál. Eigendur Manchester City í City Football Group eiga nefnilega 47 prósent hlut í spænska félaginu. Þeir þurftu að sækja um leyfi hjá UEFA og sanna um leið að rekstur félaganna sé algjörlega aðskilinn. Það eru til fordæmi eins og með Red Bull Salzburg (Austurríki) og RB Leipzig (Þýskaland) sem bæði eru í Meistaradeildinni á þessu tímabili. Það er hins vegar enn langt í að þetta verði eitthvað til að ræða um. Girona þarf náttúrulega að halda þetta út og fyrsta skrefið er að ná góðum úrslitum á móti Rayo Vallecano á útivelli um helgina. Michel er náttúrulega að mæta á sinn gamla heimavöll og spila á móti félagi sem hann lék yfir þrjú hundruð leiki fyrir. Who saw this coming?! Girona are top of LaLiga - can they keep this up for the rest of the season? pic.twitter.com/BbRbA8BR0t— Football Transfers (@Transfersdotcom) November 6, 2023 Spænski boltinn Mest lesið Uppgjörið: Breiðablik 3-2 Víkingur | Breiðablik Íslandsmeistari 2025 Íslenski boltinn Stólarnir fastir í München Körfubolti Íslensk hetja sendi Bergen upp í sjöunda himinn: Ein bestu kaup félagsins Fótbolti Sjáðu mark Hákonar og vítavörslurnar þrjár Fótbolti „Heimskulegt og asnalegt hjá mér“ Golf Sláandi xG tölfræði hjá Manchester United Enski boltinn Semenya hættir baráttu sinni Sport Bjóða upp á Frank Booker-árskort Körfubolti Grindavík - Njarðvík | Grindvíkingar snúa aftur á sinn heimavöll Körfubolti Afar ólík viðbrögð hjá Hlyni Bærings og Benna Gumm eftir byrjun þáttarins Körfubolti Fleiri fréttir Ísak og félagar upp í fjórða sætið og endurkoma hjá Brynjólfi Breiðablik 3-2 Víkingur | Breiðablik Íslandsmeistari 2025 Diljá lagði upp í níu marka sigri Tíu bestu mörkin úr leikjum Chelsea og Liverpool Antony sakar United um virðingarleysi og dónaskap Frítt inn í kvöld þegar Blikakonur geta orðið Íslandsmeistarar Sláandi xG tölfræði hjá Manchester United „Mjög erfitt fyrir okkur ef við klárum þetta ekki í kvöld“ Sjáðu mark Hákonar og vítavörslurnar þrjár Enginn Foden, Bellingham eða Grealish í enska landsliðshópnum Nýbyrjaður en hans eigin stuðningsmenn sungu: „Þú verður rekinn í fyrramálið“ Stjörnuleikmaður Liverpool missir af mörgum stórleikjum Íslensk hetja sendi Bergen upp í sjöunda himinn: Ein bestu kaup félagsins „FIFA getur ekki leyst pólitísk vandamál heimsins“ Lætur ekki einn slæman leik hafa áhrif á verkefnið Elías Rafn stóð vaktina í sigri Midtjylland á Nottingham Forest Palace neitar að tapa „Örugglega enginn sem nennir að hlusta á það“ Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Gömlu United-mennirnir blómstruðu í Meistaradeildinni Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin „Í DNA okkar Sunderland-manna að þola þennan mann ekki“ Utan vallar: Er FH að endurtaka stærstu mistök í sögu félagsins? „Eins og það sé ekkert sem hann hræðist“ Sjá meira
Litla liðið í Katalóníu hefur gert magnaða hluti á leiktíðinni og er nú með tveggja stiga forskot í efsta sæti deildarinnar eftir tólf leiki. Það er vissulega smá þema í evrópsku deildunum að óvænt lið hafa verið á toppnum eins og Tottenham í Englandi, Bayer Leverkusen í Þýskalandi og Nice í Frakklandi. Allt lið sem hafa mikla hefð og sögu en hafa beðið lengi eftir titli. Það eru 52 ár síðan Tottenham varð meistari, 64 ár síðan að Nice vann titilinn og Leverkusen hefur aldrei orðið þýskur meistari. The leader of the first division! pic.twitter.com/8CxJwOKK7s— Girona FC (@GironaFC_Engl) November 8, 2023 Fjórtán þúsund manna völlur Það er samt erfitt að setja Girona í sama flokk og þessi sögufrægu fótboltafélög sem eru öll frá stórum borgum. Girona er sannkallað smálið með aðeins fjórtán þúsund manna völl og 55 milljón evra fjárhagsáætlun sem þykja smáaurar í þessum fótboltaheimi. Félagið er líka nýkomið upp í deild þeirra bestu á Spáni eftir að hafa verið lengstum í B-, C- og jafnvel D-deildinni á Spáni. Liðið var í D-deildinni fyrir aðeins sextán árum síðan. Nú er öldin önnur í norður Katalóníu. Girona menn hafa unnið tíu af tólf leikjum í deildinni á þessu tímabili og eina tapið kom á móti Real Madrid (0-3) í lok september. Eftir jafntefli í fyrstu umferð þá hefur Girona unnið tíu af síðustu ellefu leikjum sínum. Vann bara þrjá fleiri leiki allt síðasta tímabil Allt síðasta tímabil vann Girona aðeins þremur leikjum meira eða þrettán af 38 leikjum sínum. Einn af þeim var 4-2 sigur á Real Madrid í aprílmánuði. Hinn 48 ára gamli Míchel tók við Girona liðinu árið 2021 en hann er leikahæsti leikmaður í sögu Rayo Vallecano með 313 leiki frá 1993 til 2012 með smá hléi á milli 2003 og 2006. View this post on Instagram A post shared by ESPN FC (@espnfc) Tók við liðinu í B-deildinni Girona var í b-deildinni þegar hann tók við og hann kom því upp í gegnum úrslitakeppnina á fyrsta ári. Liðið náði síðan tíunda sætinu á fyrsta tímabilinu í A-deildinni í fyrra og er núna á toppnum. Á öllum tímabilum hans hefur því liðið tekið stórt stökk. Það er ekki bara árangurinn sem hefur vakið athygli á Girona liðinu heldur ekki síst spilamennskan. Það er óhætt að segja að það sé skemmtilegt að horfa á leiki Girona, sannkölluð rússíbanareið. Spila alvöru sóknarbolta Þetta er lið sem tekur mikla áhættu í sínum leik og spilar alvöru sóknarbolta. Það hefur líka skilað liðinu miklu fleiri mörkum en stórlið Real Madrid og Barcelona. Girona hefur skorað 29 mörk í 12 leikjum eða sex fleiri en Real Madrid og fimm fleiri en Barcelona. Counterattack made in Girona.#OsasunaGirona | #LaLigaHighlights | @LaLigaEN pic.twitter.com/IsntLhX12Z— Girona FC (@GironaFC_Engl) November 7, 2023 Liðið er líka að fá sig mörg en það hafa verið skorað samtals 44 mörk í leikjum liðsins í vetur. Sem sagt, eintóm skemmtun. Markahæsti leikmaður liðsins á þessari leiktíð er Úkraínumaðurinn Artem Dovbyk með sex mörk á sínu fyrsta tímabili með félaginu en hann hefur einnig gefið fjórar stoðsendingar. Það verður auðvitað erfitt fyrir Girona liðið að halda út í kapphlaupinu á löngu tímabili við lið eins og Real Madrid, Barcelona, Atletico Madrid eða Real Sociedad. Það væri hins vegar mikið afrek takist þessum litla klúbbi að tryggja sér sæti í Meistaradeildinni. Gæti komið upp vandamál Komist liðið í Meistaradeildina kemur reyndar upp eitt vandamál. Eigendur Manchester City í City Football Group eiga nefnilega 47 prósent hlut í spænska félaginu. Þeir þurftu að sækja um leyfi hjá UEFA og sanna um leið að rekstur félaganna sé algjörlega aðskilinn. Það eru til fordæmi eins og með Red Bull Salzburg (Austurríki) og RB Leipzig (Þýskaland) sem bæði eru í Meistaradeildinni á þessu tímabili. Það er hins vegar enn langt í að þetta verði eitthvað til að ræða um. Girona þarf náttúrulega að halda þetta út og fyrsta skrefið er að ná góðum úrslitum á móti Rayo Vallecano á útivelli um helgina. Michel er náttúrulega að mæta á sinn gamla heimavöll og spila á móti félagi sem hann lék yfir þrjú hundruð leiki fyrir. Who saw this coming?! Girona are top of LaLiga - can they keep this up for the rest of the season? pic.twitter.com/BbRbA8BR0t— Football Transfers (@Transfersdotcom) November 6, 2023
Spænski boltinn Mest lesið Uppgjörið: Breiðablik 3-2 Víkingur | Breiðablik Íslandsmeistari 2025 Íslenski boltinn Stólarnir fastir í München Körfubolti Íslensk hetja sendi Bergen upp í sjöunda himinn: Ein bestu kaup félagsins Fótbolti Sjáðu mark Hákonar og vítavörslurnar þrjár Fótbolti „Heimskulegt og asnalegt hjá mér“ Golf Sláandi xG tölfræði hjá Manchester United Enski boltinn Semenya hættir baráttu sinni Sport Bjóða upp á Frank Booker-árskort Körfubolti Grindavík - Njarðvík | Grindvíkingar snúa aftur á sinn heimavöll Körfubolti Afar ólík viðbrögð hjá Hlyni Bærings og Benna Gumm eftir byrjun þáttarins Körfubolti Fleiri fréttir Ísak og félagar upp í fjórða sætið og endurkoma hjá Brynjólfi Breiðablik 3-2 Víkingur | Breiðablik Íslandsmeistari 2025 Diljá lagði upp í níu marka sigri Tíu bestu mörkin úr leikjum Chelsea og Liverpool Antony sakar United um virðingarleysi og dónaskap Frítt inn í kvöld þegar Blikakonur geta orðið Íslandsmeistarar Sláandi xG tölfræði hjá Manchester United „Mjög erfitt fyrir okkur ef við klárum þetta ekki í kvöld“ Sjáðu mark Hákonar og vítavörslurnar þrjár Enginn Foden, Bellingham eða Grealish í enska landsliðshópnum Nýbyrjaður en hans eigin stuðningsmenn sungu: „Þú verður rekinn í fyrramálið“ Stjörnuleikmaður Liverpool missir af mörgum stórleikjum Íslensk hetja sendi Bergen upp í sjöunda himinn: Ein bestu kaup félagsins „FIFA getur ekki leyst pólitísk vandamál heimsins“ Lætur ekki einn slæman leik hafa áhrif á verkefnið Elías Rafn stóð vaktina í sigri Midtjylland á Nottingham Forest Palace neitar að tapa „Örugglega enginn sem nennir að hlusta á það“ Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Gömlu United-mennirnir blómstruðu í Meistaradeildinni Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin „Í DNA okkar Sunderland-manna að þola þennan mann ekki“ Utan vallar: Er FH að endurtaka stærstu mistök í sögu félagsins? „Eins og það sé ekkert sem hann hræðist“ Sjá meira