Sjóðandi heitur Willum Þór tryggði sigurinn

Willum Þór hefur spilað vel með Go Ahead Eagles á leiktíðinni en í síðustu umferð skoraði hann tvö mörk í 5-1 sigri á Vitesse.

Í dag var hann að sjálfsögðu í byrjunarliðinu gegn Waalwijk á heimavelli. Eina mark leiksins kom úr vítaspyrnu á 30. mínútu leiksins og skoraði Willum Þór úr spyrnunni.

Lokatölur 1-0 en þetta var fjórða deildarmark Willums Þórs á leiktíðinni. Lið Go Ahead Eagles er nú í 5. sæti hollensku úrvalsdeildarinnar.

Þá var Alfons Sampsted í byrjunarliði Twente sem gerði 3-3 jafntefli við Nijmegen á heimavelli. Alfons var tekinn af velli á 72. mínútu í stöðunni 3-1 fyrir gestina en Twente kom til baka og jafnaði með tveimur mörkum á síðasta stundarfjórðungi leiksins.

Eftir jafnteflið er Twente sex stigum á eftir PSV sem situr á toppi deildarinnar en Twente er í öðru sæti.