Cardi B og Offset hætt saman

Cardi staðfesti sambandsslitin í beinni útsendingu á Instagram-síðu sinni í nótt. Þar ávarpaði hún líka orðróm um að Offset hafi haldið fram hjá sér með öðrum rappara, Chrisean Rock.

„Mér er sama hvað kemur í ljós því ég er búin að vera einhleyp um tíma. Ég vissi bara ekki hvernig ég ætti að láta heiminn vita af því,“ sagði Cardi. 

Ásakanirnar um framhjáhald Offset komu frá fjórða rapparanum sem nefndur er hér á nafn, Blueface. Sá er barnsfaðir Chrisean og birti færslur um meint framhjáhald á Twitter-síðu sinni um helgina. Offset hefur neitað ásökununum.