Fótbolti

Læri­sveinar Si­meone töpuðu dýr­mætum stigum

Smári Jökull Jónsson skrifar
Diego Simeone á hliðarlínunni í dag.
Diego Simeone á hliðarlínunni í dag. Vísir/Getty

Athletic Club Bilbao vann í dag góðan sigur á Atletico Madrid þegar liðin mættust í spænsku úrvalsdeildinni í dag. Atletico Madrid tapaði þar dýrmætum stigum í toppbaráttunni.

Fyrir leikinn var Atletico Madrid í þriðja sæti deildarinnar með jafn mörg stig og Barcelona en fimm stigum á eftir nágrönnum sínum í Real Madrid. Atletic Bilbao var í fimmta sæti og var fimm stigum á eftir Atletico.

Staðan í hálfleik í dag var markalaus en snemma í síðari hálfleiknum skoraði Gorka Guruzeta fyrsta mark leiksins og kom Bilbao í forystu. Nico Williams bætti öðru marki við rúmum tíu mínútum síðar og staðan orðin 2-0.

Leikmönnum Atletico gekk illa að skapa sér hættuleg færi og tókst ekki að minnka muninn. Lokatölur 2-0 og Athletic Bilbao nú aðeins tveimur stigum á eftir Atletico Madrid í töflunni.

Spænski boltinn

Mest lesið


Fleiri fréttir

Sjá meira


×

Mest lesið