Fótbolti

Fjórði leikurinn í röð án sigurs hjá Willum

Smári Jökull Jónsson skrifar
Willum Þór með boltann í leiknum í dag.
Willum Þór með boltann í leiknum í dag. Vísir/Getty

Willum Þór Willumsson og samherjar hans í Go Ahead Eagles gerðu í kvöld 1-1 jafntefli gegn Excelsior í hollensku úrvalsdeildinni í knattspyrnu.

Fyrir leikinn í kvöld voru Willum og félagar án sigurs í síðustu þremur leikjum og voru í 6. sæti deildarinnar. Mótherjarnir í Excelsior voru hins vegar í 12. sæti.

Willum Þór var í byrjunarliði Go Ahead Eagles sem náðu forystunni á 54. mínútu með marki frá Jamal Amofa. Flest benti til þess að gestirnir myndu næla í stigin þrjú en sjö mínútum fyrir leikslok jafnaði Oscar Uddenas fyrir heimamenn.

Lokatölur 1-1 og Willum og félagar áfram í 6. sæti og eru stigi á eftir stórliði Ajax sem situr í 5. sæti.

Hollenski boltinn

Mest lesið


Fleiri fréttir

Sjá meira


×

Mest lesið