Ekki bara leikur: Vonandi finnst þér ekki ó­þægi­legt að ég sé að tala um eistun á mér

„Það sem fólk er að fara hlusta á er í raun dagur í lífi markmanns. Á HM fyrir tæpu ári síðan ákvað ég að fara í gegnum einn dag og skrifa hjá mér allt sem ég var að hugsa. Daginn sem við spilum fyrsta leik mótsins,“ segir Björgvin Páll.

„Markmið mitt með þessu er að gefa hlustendum smá innsýn inn í stórmót í handbolta. Stórmót í handbolta er nefnilega ekki bara einhver sjö krútt að kasta bolta á milli sín,“ segir Björgvin.

Lokaþátturinn heitir „Eftir leik“ en Ísland spilaði sinn fyrsta leik á EM í gær. Í þessum þætti talar Björgvin um hvernig líðanin sé eftir landsleik.

Hér að ofan má hlusta á þáttinn en hann er einnig aðgengilegur á öllum hlaðvarpsveitum hjá hlaðvarpinu Besta sætið. Hér má hlusta á Spotify.