Fótbolti

Mané giftist á­tján ára kærustu sinni

Ingvi Þór Sæmundsson skrifar
Brúðkaupsmyndin af Sadio Mané og Aisha Tamba.
Brúðkaupsmyndin af Sadio Mané og Aisha Tamba.

Senegalski fótboltamaðurinn Sadio Mané, sem leikur með Al-Nassr í Sádi-Arabíu, gekk í það heilaga á sunnudaginn.

Mané giftist þá Aisha Tamba í Dakar, höfuðborg Senegals. Talsverður aldursmunur er á hjónunum. Mané er 31 árs en Tamba aðeins átján ára.

Þau hafa þekkst í einhvern tíma en Mané sá um að borga reikningana fyrir Tamba þegar hún var í skóla.

Mané og félagar hans í senegalska landsliðinu undirbúa sig nú fyrir Afríkumótið sem hefst á laugardaginn. Senegal á þar titil að verja.

Mané gekk í raðir Al-Nassr frá Bayern München í sumar. Hann er þekktastur fyrir tíma sinn hjá Liverpool þar sem hann vann allt sem hægt er að vinna.

Fótbolti Senegal Sádi­arab­ísk­i boltinn Ástin og lífið

Mest lesið


Fleiri fréttir

Sjá meira


×

Mest lesið