Björg­vin Páll átti bestu mark­vörslu dagsins á EM

Björgvin Páll átti flotta innkomu í íslenska markið í sigrinum á móti Svartfjallalandi. Björgvin varði níu skot þar af mörg mikilvæg skot á lokamínútum leiksins.

Frammistaða íslenska markvarðarins fór ekki fram hjá þeim sem velja bestu markvörslu dagsins á Evrópumótinu.

Björgvin átti nefnilega bestu markvörslu dagsins á EM þegar hann varði tvö skot í röð í seinni hálfleiknum.

Björgvin varði fyrst skot frá Vasilije Kaluderovic og svo aftur frá Milos Vujovic í vinstra horninu eftir að frákastið endaði hjá honum.

Hér fyrir neðan má sjá vörslu Björgvins og hinar flottustu vörslur markvarða á fimmta degi á EM í Þýskalandi.