Fíla­beins­ströndin komst á­fram eftir allt saman

Báðir lokaleikirnir í E-riðli Afríkumótsins enduðu með 0-0 jafntefli fyrr í dag. Malí og Suður-Afríka enduðu þar af leiðandi í efstu sætum riðilsins og halda áfram í 16-liða úrslit.

Namibía endaði í 3. sæti riðilsins, en stigafjöldi liðsins skilaði því einnig áfram í 16-liða úrslit, í fyrsta sinn í sögu Namibíu. 

Þau fjögur stigahæstu af sex liðum sem enduðu í 3. sæti halda áfram í 16-liða úrslit. 

Eftir úrslit kvöldsins er ljóst að Fílabeinsströndin verður eitt þeirra. Þeir ráku þjálfarann sinn fyrr í dag fyrir slæmt gengi á mótinu. 

Fílabeinsstrendingar þurftu að treysta á sigur Marokkó gegn Sambíu, sigur sem raungerðist, lokaniðurstaða 1-0 eftir mark Hakim Ziyech. 

Tansanía og Kongó mættust í hinum leik riðilsins og gerðu markalaust jafntefli sín á milli. Það eru því Marokkó og Kongó sem fara áfram í 16-liða úrslit en Sambía og Tansanía sitja eftir með sárt ennið.